زبانی روایت کا مطالعہ؛ خدو سردار، سرکشی سے حکمرانی تک

غلامرضا آذری خاکستر
مترجم: سید جون عابدی

2015-8-29

مقامی  تاریخ  کے سلسلہ میں  ماخذوں کی کمی اور  دستاویزات کی  پراکندگی کی   وجہ سے  مصنفین، واقعیت اور  حقیقت کے مطابق تاریخ  کا تجزئیہ  کرنے  سے قاصر  ہیں ۔اساسی  طور  پر      دستاویزات کے  بغیر   کسی  تاریخ  کو  تحریر  کرنااس   تارٰیخ  نویسی  کی سب سے بڑی   مشکل ہوتی  ہے ۔کبھی کبھی دستاویزات ہونے کے باوجود  کسی  مسئلہ  کے سلسلہ میں غلط   فکریں   اور  تصور اس  بات کا  سبب بنتے ہیں کہ بعض  مصنفین حقائق  سے  چشم  پوشی  کرتے  ہوئے  واقعہ میں  تحریف  کرجاتے ہیں۔

درحقیقت  غلط قصہ گوئی اور نادرست تجزیہ   مصنف کو  اپنے  احساسات   کا  شکار  بنالیتے  ہیں ۔زبانی   روایت  پر  اکتفا   کرنا ،سنجیدگی سے انٹرویو نہ  کرنا اور  صرف  ایک  ہی  شخص   پر اکتفا   کرنے  کی  وجہ سے مسئلہ اور واقعہ  کے بعض پہلو  مبہم اور تاریک رہ جاتے ہیں۔ اگراپنی  خواہشات اور  رجحان سے   قطع نظر کرتے ہوئے  واقعات کو  اسی طرح  سے  بیان  کیا  جائے  جس  طرح وہ  رونما  ہوئے تھے،اور  مقامی سرداروں کی شخصیت کی  درست  تصویر   پیش  کی جائے تو  یہ  امر  مقامی  تاریخ  کے  مستغنی  ہونے اور قوم  کی خدمت  اور  آئیندہ نسلوں  کے ساتھ  خیانت سے بچنے کا  سبب بنے گا ۔

ہاشم فرہادی ۱۳۶۷ ش کو شیروان میں  پیدا ہوئے۔شمالی  خراسان کی   بعض  مقامی  شخصیتوں  کی  تاریخ کے  سلسلہ میں اب تک اس   نوجوان   مصنف  کی تین   کتابیں    تاریخ    ناول کی صورت میں  منظر عام  پر آچکی  ہیں۔مصنف  نے اپنی کتاب’’قہرمانان‘‘میں  سردار  عیوض  خان  جلالی  کی زندگی کا  تجزئیہ  کیا  ہے ۔اور دوسری کتاب  ’’فرمانرواے جنگ وموسیقی‘‘میں  شیروان کے  ایک  سردار ’’ خدا  وردی ‘‘کی   زندگی  کو مورد   تجزئیہ اور  تحلیل   قرار دیا  ہے ۔  گلیل  کے علاقہ میں  دستور ی حکومت  کے  انقلاب   کے بعد  یہ سردار   ایک  مدت  تک   مرکزی حکومت کے  لئے   خطرہ اور مشکل  کا  سبب  بنا   رہا۔اسی  طرح  اس  مصنف  نے   اپنی جدید کتاب  فرج اللہ  خان  بیچرانلو کے  بارے میں   تحریر  کی ہے ۔
کتاب فرمانروای جنگ و موسیقی (ظهور خداوردی سردار بر افق تاریخ ایران)  ۱۳۹۲ ش   میں  شیلان  پریس  ،شیروان سے    طبع ہوئی ۔یہ کتاب   ۱۸۶ صفحات اور  ۱۰۰۰ نسخوں پر  مشتمل  ہے  جس کی قیمت  ۸۰۰۰ تومان ہے  جو  بازار میں   دستیاب ہے ۔مصنف  نے  کتاب کے  مقدمہ  میں لکھا  ہے :’’ جن کتابوں میں   سردار  خدا  وردی کے  قیا م کی  طرف  اشارہ   کیا گیا ،ان کے مواد  ان  افسروں  کی  یادداشتوں  سے  جمع  کئے  گئے  جو  قاجاری  حکومت کے  خادم  شمار ہوتے تھے۔اور  قلعوں میں جو واقعات رونما ہوئے  اس  کی خبر  کسی  کو نہیں  ہے ۔اس  سوانح عمری میں  ہم نے  جو  مطالب   جمع کئے  ہیں  وہ  یا تو   ان فراد سے  لئے  جن کے آباؤ اجداد  خداوردی  کے  آدمی  تھے یا  ان کی جنگوں  کو  قریب سے  دیکھا  تھا ‘‘۔(۱)
مصنف کی   کوشش یہ  رہی ہے  کہ شمالی  خراسان کی   عصری تاریخ   کے سلسلہ میں  ایک  موضوع  کو منتخب  کیا جائے اور   باخبر  افراد  سے  زبانی  طور پر  اطلاعات جمع کرکے  کتاب   تشکیل   دی جائے ۔یعنی   مصنف     نےیہ  طرز  عمل   اپنایا کہ   اپنے  قلم اور  زبانی   روایات کے  درمیان  ایک   تعلق  قائم  کرے اور  قارئین   کو اس  طرح    تاریخ  سے روشناس  کرائے جیسا وہ خود  چاہتا ہے ۔وہ  تجزئے   جو  مصنف    نے کتاب میں   پیش  کئے ہیں   بنیادی  طور پر  وہ  عام   باتیں  ہیں جو  قاری کے ذہن میں  کشمکس   پیدا کرتی ہیں۔

کتاب کی  روایت   گلیان  کے  مطرب  سے  شروع ہوتی ہے ۔ اورروشن علی  کو  گلیان(۳) کے  پہلے  بخشی(۲) کے  عنوان   سے پیش کیا گیاہے  جو  شاہ  عباس   صفوی  کے دور سے  تعلق  رکھتا ہے ۔اس  سلسلہ میں اس   مصنف کا خیال ہے :’’ گلیان  کے قدیمی  بخشی  جوشاہ جہان (۴) کے ساتھ   آئے  تھے ،دنیا میں  مقامی   موسیقی کے     موجد ہیں ۔ اور  بے شک  دوتار  والے ساز  انہیں کی دین ہیں ۔‘‘(۵) آیا  بخشی  تاریخ  گو  ہیں  ؟ یا  افسانہ   گو  ہیں   اور   رائی کا  پہاڑ   بناکر  پیش کرنے والے ہیں ؟ایسا  معلوم  ہوتا  ہے  کہ  بخشی   ایسی  باتیں  کرتے تھے  جو      صد فی  صد  کسی    شخص   پر  تطابق نہیں   رکھتی تھی  ۔بلکہ  وہ  اپنی   باتوں کو  تمثیل  اور  مجاز گوئی کے پیرائے میں  بیان   کرتے تھے۔

کتاب فرمانروای جنگ و موسیقی  کو  پڑھنے والے  کے   ذہن  میں   سب سے اہم سوال  جو  آتا  ہے وہ یہ ہے کہ  کیا  مصنف  نے اس کتا ب میں  اس علاقہ  کی  شناخت کے  عناصر   کو  بیان   ہے؟زبا ن کہ جس کے ذریعہ  زبانی  روایت کو  بیان کیاجاتاہے،شناخت کے سلسلہ میں  ایک  اہم کردا  ر رکھتی ہے ۔ درواقع   مختلف  علاقوں  کے  زبانی   ثقافت کو محفوظ کرنے کے سلسلہ میں   وہاں  کی زبان پر  بہت  توجہ دی جاتی ہے ۔شمالی  خراسان   کے  تاریخی    دستاویزات اور  ثقافت میں سے  جو  چیزیں  باقی بچی ہیں   ان سے   وہا  ں  کی  زبان  کے فارسی اور  رسم الخط کے عربی ہونے کا  پتہ  چلتاہے ۔اور  اکثر  مصفین  اسی  سے  استفادہ کیا  ہے۔اس کتاب فرمانروای جنگ و موسیقی میں  زبان  کو شناخت کے عنصر کے لحاظ سےکوئی   اہمیت نہیں  دی ہے اور  مصنف  نے اس  اساسی    عنصر   پر توجہ   کئے  بغیر   کتاب    تحریر  کردی ہے ۔ اگرچہ  انہوں  نے   شناخت کے  سلسلہ میں  علاقہ کے دیگر  عناصر کو   بیان  کیا   اور اس  سلسلہ میں   دره پیرشهید، رزمقان، ملاباقر،گاوسرخون، توکور، کانی ده وری، قلعه حسن، اقوام پهلوانلو، اور تاریخچی جیسے  الفاظ   کی   طرف  اشارہ   کیا  ہے  نیز تاج محمدخان، عبدالعلی تناسوانی، رمضان تاریخچی، فرج‌الله‌خان، حسین حاج تاتار، ابراهیم بلشویک...جیسے  منجملہ   مستند  ناموں کا  تذکرہ  کیا ہے اور  علاقہ  کے   تاریخی   جغرافیہ  کی  عکاسی  کرتے ہوئے  ایک  حد تک    داستان کےزمانہ اور  مکان    پر   توجہ  دینے  کی  کوشش کی ہے ۔

کتاب فرمانروای جنگ و موسیقی  کو  پڑھنے والے  کے ذہن  میں سب سے اہم سوال  جو  آتا  ہے وہ یہ ہے کہ  کیا  مصنف  نے اس کتا ب میں  اس علاقہ  کی  شناخت کے  عناصر   کو  بیان   ہے؟زبا ن کہ جس کے ذریعہ  زبانی  روایت کو  بیان کیاجاتاہے،شناخت کے سلسلہ میں  ایک  اہم کردا  ر رکھتی ہے ۔ درواقع   مختلف  علاقوں  کے  زبانی   ثقافت کو محفوظ کرنے کے سلسلہ میں   وہاں  کی زبان پر  بہت  توجہ دی جاتی ہے ۔شمالی  خراسان   کے  تاریخی    دستاویزات اور  ثقافت میں سے  جو  چیزیں  باقی بچی ہیں   ان سے   وہا  ں  کی  زبان  کے فارسی اور  رسم الخط کے عربی ہونے کا  پتہ  چلتاہے ۔اور  اکثر  مصفین  اسی  سے  استفادہ کیا  ہے۔اس کتاب فرمانروای جنگ و موسیقی میں  زبان  کو شناخت کے عنصر کے لحاظ سےکوئی   اہمیت نہیں  دی ہے اور  مصنف  نے اس  اساسی    عنصر   پر توجہ   کئے  بغیر   کتاب    تحریر  کردی ہے ۔ اگرچہ  انہوں  نے   شناخت کے  سلسلہ میں  علاقہ کے دیگر  عناصر کو   بیان  کیا   اور اس  سلسلہ میں   دره پیرشهید، رزمقان، ملاباقر،گاوسرخون، توکور، کانی ده وری، قلعه حسن، اقوام پهلوانلو، اور تاریخچی جیسے  الفاظ   کی   طرف  اشارہ   کیا  ہے  نیز تاج محمدخان، عبدالعلی تناسوانی، رمضان تاریخچی، فرج‌الله‌خان، حسین حاج تاتار، ابراهیم بلشویک...جیسے  منجملہ   مستند  ناموں کا  تذکرہ  کیا ہے اور  علاقہ  کے   تاریخی   جغرافیہ  کی  عکاسی  کرتے ہوئے  ایک  حد تک    داستان کےزمانہ اور  مکان    پر   توجہ  دینے  کی  کوشش کی ہے ۔

افسانہ کی تکرار    

کتاب کا  آغاز  ایک   تکراری اور  افسانہ وار   داستان  سے ہوتا ہے ۔مصنف نے  خدا وردی سردارکی   ولادت  کے سلسلہ میں  علم  نجوم   کی پیشن  گوئی  کی  طرف اشارہ کیا  ہے  اور ایسے پر نور  ستارے    کی   کہانی  سے  وارد ہوئے  ہیں  جو  وسیع  وعریض  آسمان میں  ایک     شعلہ  کے مانند   چمک رہا ہو  اور   اور   اس کے بعد   مغربی پہاڑوں کے   پیچھے   چھپ گیا ہو۔پھر اس کی  تعبیر میں  لکھتے ہیں:’’یہ  بچہ  آج را ت  ہی پیدا  ہوگا   یہ  بیٹا  ہوگا اور   بہت  بلند قسمت کا  حامل ہوگا۔وہ  اس  قدر   شہرت  اور  قدرت حاصل     کریگا   کہ اس   کے سامنے کوئی ٹک نہ سکیگا ۔اس کانام  ہرجگہ   پھیل  جائیگا  اور  اپنے زمانہ میں  اس کی شخصیت   بے  مثل و بے نظیر ہوگی ۔۔۔وہ  اس   آگ کے  شعلہ  کی  مانند  ہوگا  کہ جو  اس سے دوستی  کریگا  اس  شعلہ  سے  گرمی   اور حرارت  حاصل کریگا اور  جو دشمنی کریگا   وہ آتش   اسے  جلاکر خاک  کردیگی ۔‘‘(۷)پھر ایک  دوسرے افسانہ کی تکرار  کرتے ہوئے   خداوردی  کی  ولادت کی  داستان کو  آگے بڑھا تے ہیں :’’اچانک ایک    نومولود بچہ کے رونے کی صدا   فضا ؤں میں  گونجنے   لگی۔۔۔گہرے   خاکستری    رنگ کا  گھوڑا    نوروزی زور  زور سے  ہنہنانے  لگا ۔اور  اس  طرح مضطرب نظر   آیا   کہ اس سے  پہلے   ایسا   کبھی نہ دیکھا  گیا  تھا ،تھوڑی دیر  نہ  گذری تھی کی   کتوں  کے   بھونکنے کی    صدائیں  بھی  آنے لگیں ۔‘‘شاید  مصنف یہ بھول گئےتھے کہ  یہ   کتاب کس  کے  بارے میں لکھی  جارہی  تھی؟یا  یہ  کہ وہ اس سے  ایک نیا  افسانہ  بنانا  چاہتے  تھے؟آیا   خدا  وردی سردار  اس  تحریر کی حد  تک پہونچے  بھی   تھے؟

اس داستان کی ابتدا میں حقیقت   اور  افسانہ کا   تناسب   قابل  غور  ہے۔خدا وردی کی  سوانح  عمری  میں  لکھا   کہ  ان کا  بچپن  فقیری اور تنگدستی میں گذرا اوریہ  سورما    کبھی    حالات اور  زمانہ  کا شکوہ  کرتے ہوئے کہتاہے :’’میں   اپنے باپ   کی طرح    چرواہا   نہیں   بنناچاہتا ۔مجھے  فوجیوں  کی  طرح  جنگی  لباس  پہننا   پسند ہے میں  چاہتا   ہوں   کہ  گھوڑ  ے کی سواری کروں اور  جب  لوگوں کے درمیان سے  گذروں   تو  سب میرا  احترام  کریں ۔‘‘(۸)

یا  دوسرے مقا  م پر  مصنف   قاجاری  حکومت  کے آخری دور میں   عوام سے  زبردستی     محصو ل اور  ٹیکس وصولنے    اور  خدا وردی کی   بغاوت کے اسباب  کے سلسلہ میں  لکھتے ہیں :’’ایک  روز  کچھ  لوگ  نوروز  قہرمان  کے گھر گئے  اور اس کے  بیس   بھیڑوں  میں   سے دس  بھیڑیں زبردستی   چھین  لے گئے۔۔۔۔خدا  وردی  نے  قاجاری ظلم و ستم کے   خلاف قیام  کیا ۔‘‘(۹)اس  کے    بعدمحمد   ابراہیم  خان  روشنی  سے  آشنائی کے   قصہ کی طرف اشارہ  کرتے  ہوئے ایک  اور   تکراری   داستان   سے  استفادہ کیا ہے ۔ چیتے  سے   کشتی اور  اس کو  پسپا  کردینے کی داستان  مقامی  قصوں میں  بارہا    بیان  کی جاچکی  ہے جسے مصنف نے   خداوردی  اور  محمد ابراہیم  خان کے درمیان آشنائی کے   سلسلہ میں  بیان  کیا ہے ۔(۱۰)

کہانی  کا سورما 
خدا  وردی  (خدو)شیروان  کے تکرمان  نامی دیہات کے  کرد  پہلوان  سورماؤں  میں  سے تھا  جو  قاجاری حکومت کے آخری زمانہ میں      محمد  ابراہیم خان کے   سوار لشکر میں  شامل  ہوا اور اس کے بعد  شیروان کا حاکم بن گیا ۔مقامی    جنگوں اور اپنے حوصلہ کی  وجہ  سے کچھ ہی  عرصہ کے بعداسے  ایک  بہترین  کمانڈر کے طور   پر  منتخب کیا  گیا اوراس نے  شیروان  کو  اپنے اختیار میں  لے لیا ۔لیکن  بعد میں  فرج اللہ  خان  (ضیغم الملک) کی  دخالت کی وجہ  سے شیروان   کے  حالات   تاج محمد   خان   کے حق  میں  ہوگئے  اور اس  طرح  خدو کو  شیروان سے باہر  نکال  دیا گیا ۔اور وہ  اپنے    سواروں کے  ساتھ  سرحدی  علاقوں  کے  اطرا ف میں  زندگی گذارنے   لگتا ہے ۔

اس  دوران  ۱۹۱۷ کا  روسی  انقلاب رونما  ہوتا ہے  اور کمیونیسٹی  سرگرمیاں   بڑھ  جاتی ہیں۔اور عشق آبادی میں    خدا وردی  کا  تعارف   ایک مہا  جر  ترک کے   ذریعہ کہ   جس  کے یہاں  اس کا  آنا  جانا تھا ،عشق   آباد کے  کمیونسٹوں  کی سربرآوردہ شخصیات  سے  ہوتا   ہے۔ روسی    جوپہلے   ہی سے   خدا وردی  کی  بے باکی اور   بہادری  کے بارے میں جانتے تھے،نے اس کا استقبال   کیا  اور اس سے    وعد ہ کیا  کہ اگر   شمالی خراسان میں ایک  کمیونسٹی حکومت   تشکیل دیتا ہے  تو   وہ  اس کی حمایت اور  مدد  کریں  گے۔(۱۱)
لوگاشوا  کے  مطابق    کردی فقیروں    کی  بغاوت کا  آغاز   خدا وردی  کی  رہنمائی میں ہوا (۱۲) جارج  لنچافسکی  (۱۳)کا خیا ل ہے کہ   روسی  حکومت نے  خدو کو خراسان میں   فسادات  کرنے  پر  مامور کیا  تھا اور  اسے   اسلحہ اور  مدد فراہم  کی  تھی ۔اسی  طرح  استاد  توحدی  نے خدو  سردا ر  کی  تحریک کو   کمیونسٹی   قیام   کے نام   سے یاد کرتے ہیں۔(۱۴) بہرحال    کتاب فرمانروای  جنگ و موسیقی کے مصنف نے  بھی      کمیونسٹوں کے  رہبروں (زینوویف (۱۵) )کے ساتھ   خدو کے روابط کی  طرف اشارہ  کیا  ہے  اور اس  امر کو  بھی قبول  کیا ہے ۔لیکن ایسا لگتا ہے  کہ اس سلسلہ میں انہیں   کوئی  خدشہ  تھا  جس کی وجہ  سے  انہوں  اس  تاریخی مسئلہ  سے  چشم ہوشی  کرلی  ہے ۔
اور  خدو  کی  اپنے بھائی  اللہ  وردی  کے  ساتھ   مشورہ  کرنے کی   گفتگو کو یوں بیان  کیا ہے:’’میں تمہیں   ایک ایسا  راستہ بتاؤنگا   جس کے ذریعہ ہم لوگ   سارے وسائل کے  ساتھ  خاموشی کے  سے  یہاں سے  نکل  جائیں گے  لیکن   توجہ  رہے  کہ کسی  کو  اس  بات کی  خبر  لگے ۔صرف  میں  اور تم  ہی   اس  بات   سے  باخبر رہیں۔۔۔یہ  روسی  لوگ ہمارے ہی  لوگوں کا   استعمال  کرتے   ہیں  اور  ہمیں ایک دوسرے  کے خلاف  بھڑکاتے ہیں  کیوں  کہ  انمیں  خود تو ہم  سے ٹکر  لینے کی  ہمت  نہیں ہے ۔۔۔ تم  زینوویف  کی  درخواست کو  قبول  کرلو اور  تمام  وسائل کو   اس  سے لو  ۔اگر  ہم   ایک ساتھ ملکر   قدرت حاصل  کرنے میں  کامیاب ہوگئے  تو   پھر ہم روسیوں سے  کوئی واسطہ نہیں  رکھیں گےاور  اپنے راستہ ہوجائیں اور  اور ایسا  ظاہر کریں  کے   ہم  ان کے پروگرام کے   تابع  ہیں  ،جیسے  ہی ہمیں   حکومت اور طاقت مل جائے گی   انہین  پشت  دکھا دیں  گے  کیوں کہ اب  ہمیں  ان کی کوئی ضرورت  نہ ہوگی ۔‘‘(۱۶)

دستاویزات  پر  توجہ   نہ  دینے کی   وجہ سے مصنف    فکری   کشمکش کا  شکا ر ہیں اور  خدو  کو    کمیونسٹ  لکھنے  سے  ڈرتے ہیں ۔خدو  کے روسیوں  سے     تعلقات  کے سلسلہ میں  دستاویز  ات     روسیوں  کی  طرف سےمالی  اور  اسلحی  مدد  کی  نشاندہی کرتے ہیں۔افسوس کامقام ہے  کہ فرہادی   صاحب اس   حقیقت  سے چشم  پوشی  کی اور اس  کو  مخفی   رکھنے کی کوشش کی ہے  ۔کیا  یہ  ممکن ہے کہ  ایک  شخص   تھوڑے سے   سوار  سپاہیوں  کے ساتھ  پوری حکومت  سے   ٹکر لےسکے؟مصنف  ،  قاری کے لئے یہ ثابت  کرنے   کی  کوشش کرتے ہیں  خدو کی  تحریک  کمیونسٹی نہیں  تھی۔ بہر  حا  ل  کلیم اللہ  توحدی  کے ذریعہ   شائع  ہونے  والے  دستاویز  خدوکے  کمیونسٹی   ہونے   پر  مہر  تصدیق لگاتے ہیں۔

خدو نے ۱۲۹۸ ش  کی  آخر میں    اپنی حکمرانی کا   مرکزشیروان کے  مشرقی  جنوب  کے   گلیان دیہات   کو  قرار دیا  اور  فوجی  تقویت  کی   وجہ  سے  شمالی   خراسان  میں  ناامنی کا سبب بنا ۔
خدوسردار  کی  گرفتاری  کے سلسلہ میں میرزا  محمد  صارم الملک درہ گز  (۱۷) کی   روایت  قابل غور ہے ۔(۱۸) انہوں  اپنی  یادداشتوں میں  جزئی  طور پر اس   موضوع کی  طرف اشارہ کیا ہے ۔اور اس کی نگاہ میں  درہ گز کے  سپاہیوں نے خدو کو   گرفتار کیا تھا ۔   آگے  اپنی  یادداشت میں   محمود  صارم  نے گلیان کے    سخت اور مشکل   راستہ  والے علاقہ  پر  قبضہ ،خدو سردار  کا  گلیان سے فرار کرنے پر مجبورکیا، بجنورد  تک   خدو سردار کا  پیچھا  کیااور اس کو چھوڑ دیا ، سردار  خد و  کو  مشہد   بھگانے کے وقت بجنورد  کی  عوام کا   بغاوت کرنا ،قوچان میں  خدو سردار  کی  گرفتاری  کی   مناسبت سے  طاق  نصرت کا  برپا ہونا  جیسے  اہم  موضو عات کو   بیان  کیا ہے۔ اور  ان  امور  پر   کتاب  فرمانروای جنگ و موسیقی   کے  مصنف  نے کوئی  توجہ نہیں  دی ہے ۔
میرزا محمود  نے آگے اپنی  یادداشت میں  درگز  کے سپاہیوں  کے ذریعہ    خدو سردار اور اس کے بھائی کو   مشہد کے لشکر کے  حوالے کرنے  کی   بات لکھی ہے ۔اور  لکھتے ہیں :’’درگز کی  سوار   خدو سردار کو  مشہد  کو سپرد کرنے پر مامور تھے ۔میں نےمیرزا   جعفر کے ساتھ   دس   سوار سپاہیوں  کو  معین کیا اور   دو  نوں بھائیوں کو  ان  کے حوالے کرکے مشہد بھیج دیا ۔(۱۹)
بالآخر  کرنل محمد  تقی  خان  پسیان کے  زمانےمیں  خدو کو گرفتار کیا  گیا اور  ۷ تیر  ۱۳۰۰ کو   موت کی سز  ا  سنا دی گئی ۔خدو  سردارکے سپاہیو ں  کا انجام  بھی قابل توجہ ہے ۔مصنف نے  ان  میں سے منجملہ حسین حاج تارتار، ابراهیم بلشویک، قورخ امیرانلویی کی  زندگی کا  تجزئیہ   کیا  ہے اور   داستان کو اس طرح   ختم  کیاہے کہ  حسین   حاج تار تار، کرنل محمد  تقی پسیان سے   خدو  کے  خون کا  بدلہ لینا چاہتا تھا  یہان تک   کہ    قوچان کی  قشون میں   پسیان  سے جنگ  کی   غرض   سے داخل  ہوا اور  اسی جنگ میں تیر سے  پسیان کو   قتل  کردیا ۔درواقع   مصنف  کی  نگاہ میں   پسیان کو  خدو  کے دوست  حسین  حا ج تارتار نے   قتل کیا  تھا ۔اور   تاریخ   پر  توجہ دئے  بغیر  پسیان  کے قتل  کی تاریخ      مہر   ۱۳۰۰ کے بجائے فروردین لکھ دیاہے ۔(۲۰)

۱۔ فرهادی،‌هاشم. فرمانروای جنگ و موسیقی. شیروان: شیلان. 1392. ص6
۲۔  ادب میں    لفظ ’’ بخشی ‘‘ مصدر کے سلسلہ میں  اختلاف ہے اور اسے بسکی(baksi)بکسا(baksa)یا  بکشا (baksha)  بتایا  گیا ہے۔اشپولر کی  نگاہ میں  یہ ترکی  لفظ ہے جس کے   چینی معنی (po-shi) یعنی  دانشور  ہیں ۔خود خرسان کے   بخشیوں کی   نگا ہ میں   لفظ  بخشی ’’بخشندہ ‘‘ سے نکلا  ہے اور اس کے  معنی   خدا  کی  عطا ہے ۔
یوسف زاده، آمنه. رامشگران شمال خراسان بخشی و رپرتواراو. ترجمہ علیرضا مناف زاده، تهران: موسسہ فرہنگی- ہنری ماہور. 1388. ص117 
  ۳۔گلیان   شمالی   مشرقی ایران  کا ایک   دیہات ہے جو    شمالی  خراسان کے شہر شیروان ، کے  مرکزی  حصہ میں   واقع ہے ۔یہ دیہات  شیروان کے جنوب میں  ۲۳ کلومیٹر پر واقع ہے ۔شمال کی طرف سے  دیہات  ملا باقر ،جنوب کی   طرف  استخری اور بلقان ،مشرق کی  جانب  سے فاروج کی   زراعت ک زمیںوں  اور  مغرب کی  طرف سے  برزلی    نامی دیہات سے  گھرا ہوا ہے ۔
۴۔شاہجہان   سب سے  اونچی  چوٹی کا  نام  ہے جس  کی  پکڈنڈی  بینا لود اور آلا داغ کے پہاڑوں  تک  پہونچتی ہیں ۔اور ایک  نقل کی  بنیاد  پر  اس کی  اونچائی سمند ر کی  سطح سے   ۳۳۵۰   میٹر ہے ،یہ  پہاڑی سلسلہ   کہ جس سے   چند  کلو میٹر کی  دوری  پر  بام  نامی   دیہات(جس  کی  اونچائی   سمندری  سطح سے  ۱۶۰۰ میٹر  ہے ) واقع  ہے اور اس کی پکڈنڈی کا  سلسلہ البرز کے  پہاڑوں سے ملتاہے ۔شاہجہان  پہاڑ     کئی حصوں میں   بٹا ہوا   ہے  اور ہر حصہ ایک مخصوص نام  سے مشہور ہے ۔ خروس یا کرکس‌رو، تختہ‌ میرزا، گورکییا گورکان یا گبرکان ...  منجملہ وہ  مشہور نام  ہیں ۔
۵۔ فرهادی،‌هاشم. فرمانروای جنگ و موسیقی.ص9
۶۔ محمد علی قاسمی ، محمد مرادی امیرانلو، حسن فرهادی، منصور فرهادی، رحمان فرهادی، روشن گل افروز، حمرا بخشی، خسرو حداد، شادروز امانی، حسن ابراهیم زاده، پیرشهید، عطا حیدریان و ...کی روایات  کو  اس  کتاب میں    استعمال  کیا  گیاہے ۔
۷۔ فرهادی،‌هاشم. فرمانروای جنگ و موسیقی. ص16
 ۸- گذشتہ حوالہ ص18
۹۔ گذشتہ حوالہ ص25
۱۰۔ گذشتہ حوالہ ص32
۱۱۔ توحدی، کلیم الله. حرکت تاریخی کرد به خراسان در دفاع از استقلال ایران. ج4. مشهد: بی نا. 1359.ص244
۱۲۔ - لاگاشووا، بی‌بی‌رابعه. ترکمنهای ایران (پژوهش تاریخی ـ مردم‌شناسی). ترجمه سیروس ایزدی و حسین تحویلی. تهران: شباهنگ. 1359. ص138
۱۳۔ لنچافسکی، جورج. غرب و شوروی در ایران، سی سال رقابت، ۱۹۴۸ - ‎۱۹۱۸. ترجمه حورا یاوری. تهران: روزنامه سحر. 1371. ص86
۱۴۔ توحدی، کلیم الله. حرکت تاریخی کرد به خراسان در دفاع از استقلال ایران. ج4. ص232
۱۵۔گریگورییوسویچ زینوویف ،روسی  کمیونسٹ  ۲۳ ستمبر ۱۸۸۳ ع کو  پیدا ہوا   اور ۲۵ اکست ۱۹۳۶ کو  اس کا  انتقال  ہوا۔وہ بلشوییک کے انقلابیوں میں سے   تھا اور   بعد میں   روسی  حکومت کی سیاسی  شخصیت  بن گیا ۔لنین  کے  مرنے کے بعد   وہ  تروتسکی    خلاف  استالین سے  وابستہ ہوگیا   اور    ترتسکی کوپارٹی اور استالین  کی حکومت سے  نکالنےوالے  اہم افراد میں  شمار   ہوتا ہے۔لیکن    استالین  کے  بے پناہ   قدرت  حاصل کرنے کے بعد  وہ   اسی  کے  خلاف  تروتسکی  سے مل  گیا ۔لیکن  اب بہت دیر ہوچکی تھی  اگرچہ   جوسف   استالین کو  برسر اقتدار لانے میں خود اسی  نے  بہت     بڑا کردا ر  ادا کیا  تھا لیکن  اسی کے  ہاتھوں   اسے  موت کا جام پینا پڑا ۔کمیںوسٹ پارٹی  کی  تاریخ کے سلسلہ میں   اس کی کتابیں   اب  بھی  باقی ہیں ۔
۱۷۔ فرهادی،‌هاشم. فرمانروای جنگ و موسیقی.ص59
۱۸۔میرز امحمود  ولد  سید عباس    درگز کے  سید   گھرانہ  سے تعلق  رکھتا   ہے  وہ ۱۲۷۰ش کو  شہر محمودآبا د میں  پیدا  ہوا ۔اس  کا  آباؤا اجداد  صفوی حکومت (شاہ عباس  کا دور)کے دور میں ۱۰۰۷  ق   کوایل  بزرگ  چشم  گزک (زعفران لو)کے  ساتھ ایران  مشرقی سرحدوں  کی حفاظت  کے لئے   کردستان  سے  خرسان   روانہ  ہوئے ۔اور ابتدا میں  خبوشان (قوچان ) میں  سکونت  اختیا ر کی ۔لیکن   کچھ  ہی عرصہ کے  بعد  خبوشان میں حصوں کی  ملکیت   کے سلسلہ  اختلافات پیدا ہوگئے ۔خبروں کے مطابق  یہ   ان  اختلافات کی خبر  شاہ  سلیمان صفوی تک بھی   پہونچ  گئی   اور  آخر میں   نجٖف   اشرف کے علما  کی  ثالثی   کے  نتیجہ میں  اختلافات  ختم ہوگئے  اور  شاہ   کے حکم سے سادات کو    ملکیت  پر  ٹیکس  سے  معاف  کردیا  گیا اور  وہ  لوگ  درہ  گز  ہجرت کرگئے۔
میرزا  محمود  بچپن میں  ، رائج   تعلیم حاصل  کرنے کے لئے مدرسہ  گیا  اور  بالغ  اور جوان   ہونے کے بعد  ایک   بہادر   ماہر   گھوڑ  سوار   کی صورت میں  ظاہر ہوا اور   بہت  جلد ہی  پورے علاقہ میں  مشہور ہوگیا ۔چند   حکومتی   گھوڑ سواروں  کی  ایک   ماموریت پر بھیجا  گیا  ۔اس ماموریت  میں  اس  کی صلاحیت ،لیاقت ،سمجھداری اور  شایستگی  کی  بنیاد پر اسے    لطف  آباد  کے نائب  الحکومۃ    کے  عنوان  سے منصوب  کیا گیا ۔ اسے  اس زمانہ میں  خراسان میں زبردست خان   کی  بغاوت ،کرنل  پسیان  کا واقعہ ،خداوردی  سردا ر کی   بغاوت اور۱۳۰۴ ش  میں  ترکنوں  کو ہتھیا ر ڈلوانے جیسے   واقعات کی  وجہ   سے اردیبہشت۱۳۰۱   میں   مشیر الدولہ  اس  وقت  کے وزیر اعظم اور وزیر داخلہ   میرزا حسین خان کی  منظوری  کی  بنا  پر  ،احمد  شاہ  کی   جانب سے  صارم الممالک کا   لقب دیا  گیا ۔میرزا  محمود حسین   ایک  طویل  عرصہ  تک    دره‌گـز، رادکان، چناران اور رخ‌ تربت حیدریه‌  کے   کچھ حصوں   کا حاکم رہا ۔رضا شاہ کے دور میں  زندگی   کے  نشیب و فراز کے مراحل  طے کرتے  ہوئے  مشہد میں ساکن  رہا اور فروردین  ۱۳۵۲ ش کو  نقا ب کے علاقہ میں  انتقال کیا اور  وہیں  دفن   کیا گیا ۔ کریمیان، علی. «موقوفه میرزا محمود صارم الممالک دره‌گزی» سے منقول . گنجینہ اسناد. پاییز 1384. شماره 59. ص75-76
۱۸۔ خاطرات میرزا محمود صارم‌الممالک دره‌گزی. تصحیح ابوطالب صارمی و علی کریمیان. شیروان: شیلان. 1389
۱۹۔ خاطرات میرزا محمود صارم‌الممالک دره‌گزی. ص197
۲۰۔ فرهادی،‌هاشم. فرمانروای جنگ و موسیقی.ص179