زبانی تاریخ اور اُس کی ضرورتوں پر انٹرویو – چوتھا حصہ

راوی کی پہچان اور اُس کا انتخاب

حمید قزوینی
ترجمہ: سید مبارک حسنین زیدی

2017-6-11

جس طرح کے پہلے وضاحت پیش کی گئی، زبانی تاریخ میں تاریخ کی تدوین کے مراحل میں مشارکت طلب کرنے کا امکان ہے تاکہ ایک بامقصد انٹرویو میں سیاسی، ثقافتی اور معاشرتی واقعات کی مختلف معلومات ثبت اور شائع ہوں۔ اس موضوع کی اُس لحاظ سے اہمیت ہے کہ تاریخی واقعات کے بیان کرنے  میں زیادہ لوگوں کی رائے اور باتیں وصول ہوں گی۔

اس طرح کے حالات میں تکراری انٹرویوز سے پرہیز کرنے اور نئے مطالب دریافت کرنے کیلئے ضروری ہے  کہ زبانی تاریخ کا محقق موضوع معین کرنے کے بعد، راوی کی پہچان اور انتخاب میں دقت اور عالمانہ جستجو کرے۔ یہ کام کبھی دوسرے کے مشورے سے بھی انجام پاتا ہے۔ یعنی بعض باخبر افراد راویوں کی معرفی کرتے ہیں اور نئے راوی تک پہنچنے کیلئے محقق کی مدد کرتے ہیں۔

واضح سی بات ہےکہ اس کام کیلئے محقق مندرجہ ذیل پہلوؤں کا لحاظ رکھے:

۱۔ زبانی تاریخ کے محقق کیلئے موضوع کی آگاہی اور اُس پر کافی حد تک تسلط ہونا ضروری ہے اور وہ موضوع کے مختلف پہلوؤں کی روشن شناخت کے ساتھ راویوں کی پہچان اور انتخاب کا اقدام کرے۔

۲۔ انٹرویو کیلئے ایسے شخص کا انتخاب کرنا چاہئیے جس کا معلومات اور مشاہدوں سے براہ راست رابطہ ہو اور ایسے افراد جو سنی سنائی باتوں، شخصی تجزیوں کا سہارا لیتے ہیں، اُن کے انٹرویو سے پرہیز کرنا چاہئیے۔ بدقسمتی سے کبھی معتبر راویوں تک دسترستی نہ ہونے کی وجہ ، یا زبانی تاریخ کی  پروجیکٹس کی تکمیل کے منظور نظر، ایسے افراد سے انٹرویو لیا جاتا ہے جن کے پاس یادداشتیں براہ راست نہیں ہوتیں اور ناقابل اعتماد معلومات کو پیش کرتے ہوئے اُن کے پاس نہ صرف محقق کو دینے کیلئے کوئی مناسب جواب ہوتا بلکہ ابہامات میں بھی مزید اضافہ کا باعث بنتا ہے۔

۳۔ حتی الامکان ایسے لوگوں سے انٹرویو لیا جائے یا تو اُن کا حافظہ صحیح ہو یا ان کی حالت ایسی ہے کہ اگر وہ بعض باتیں یاد کریں تو یہ چیز اُن کے حافظہ کو تشویق دلانے میں مدد کرے۔ بے شک حافظہ ضعیف ہونے کی وجہ سے غلط اور ناخالص مطالب بیان ہوں گے۔

۴۔ ایسے افراد کا انٹرویو لینے سے پرہیز کرنا چاہیئے جو جھوٹ بولنے، حقیقت کو بدلنے یا اُسے چھپانے میں مشہور ہوں۔

۵۔ راوی کی یاد داشتوں اور معلومات کا تحقیق کے موضوع سے مربوط  ہونا ضروری ہے۔ کیونکہ غیر مربوط موضوعات کے انٹرویو کی انجام دہی، نہ صرف تحقیقی ضروریات کو پورا کرنے میں مدد نہیں کرتی بلکہ دوسرے موضوعات کو بھی خراب کرنے کا سبب بنتی ہے۔

۶۔ انٹرویو کیلئے راوی کی بدنی، معنوی اور نفسیاتی آمادگی کو مورد توجہ قرار دینا چاہئیے۔ کیونکہ اگر راوی مناسب صحیح و سلامتی نہ رکھتا ہو تو انٹرویو کیلئے اصرار کرنا ، راوی ، اُس کے گھر والوں اور اُس کے ساتھیوں کیلئے زحمت ایجاد کرنے اور رنجش کا باعث ہوگا۔

۷۔ راوی کو انٹرویو دینے کیلئے قانونی ، سیاسی، حفاظتی اور عدالتی پابندیوں کا سامنا نہیں ہونا چاہئیے۔ اس طرح کی رکاوٹیں، انٹرویو پر کاری ضرب لگاتی ہیں اور اُس کے اثر کو کم کرتی ہیں اور حتی یہ بھی ممکن ہے محقق کیلئے بھی مشکلات کھڑی کردیں۔

۸۔ راوی انٹرویو کے موضوع  کی نسبت  دوری کا شکار نہ ہو۔ کبھی  براہ راست مشاہدوں اور مختلف معلومات رکھنے کے باوجود، ایسا ممکن ہے  بعض مسائل کی وجہ سے جو واقعہ کے وقت یا  بعد میں واقع ہوئیں، وہ دوری کا شکار ہوجائے اور موضوع کی نسبت  اُس کی رائے بدل جائے اور اُس میں ایک دقیق اور حقیقی انٹرویو دینے کی صلاحیت نہ ہو۔

۹۔ حتی الامکان ایسے افراد کی تلاش میں جانا چاہئیے جو انٹرویو  اور سوالات کے جواب دینے کے معاملے میں مثبت نقطہ نظر رکھتے ہوں اور اُسے ایک تاریخی ضرورت سمجھتے ہوں۔