ماموستا 69
مصنف: علی رستمی
ترجمہ: ضمیر علی رضوی
ویرائش: یوشع ظفر حیاتی
2026-07-15
پاوہ میں سپاہ کی تأسیس
جون 1979 میں، محمد علی ذوالفقاری صاحب کی کمانڈ میں سپاہ پاسداران انقلاب اسلامی کا اعلان ہوا۔ ذوالفقاری صاحب کا تعلق شیراز سے تھا، وہ فوج کی پیراٹروپر بریگیڈ سے تھے اور ڈاکٹر بنی صدر کے قریبی تھے۔ ایک عرصے تک انہیں کرمانشاہ کے مفرور گورنر پالیزبان کا ڈھونڈنے کی ذمہ داری سونپی گئی تھی اور پھر انہوں نے تہران کے حکام کے فرمان پر اور انقلاب اور علاقے کے مفاد میں، پاوہ کی سپاہ کی بنیاد رکھی اور سرکاری اور غیر سرکاری طور پر پاوہ کے مذہبی نوجوانوں اور یونیورسٹی طلباء کو سپاہ آرگنائزیشن میں شمولیت کی دعوت دی۔
ساواک کے سابقہ دفتر میں، سپاہ پاسداران کے قیام کے بعد، ڈیموکریٹک پارٹی کے کارکنان شہر میں بہت کم ہی مسلح ہو کر باہر نکلتے تھے، لیکن حسب سابق وہ شہر اور دیہاتوں کے کچھ مقامات پر اپنی ثقافتی اور سیاسی سرگرمیاں جاری رکھے ہوئے تھے۔ ڈیموکریٹک پارٹی کی عمارت اور سپاہ پاسداران کا ہیڈکوارٹر ایک دوسرے سے زیادہ دور نہیں تھا اور کسی بھی مزاحمت کے بغیر، ان میں سے ہر ایک اپنا اپنا کام انجام دے رہا تھا اور سپاہ پاسداران کے ساتھ ساتھ جینڈرمیری کے بھی کچھ اہلکار، شہر کے مختلف مقامات پر تعینات تھے، جیسے شہر کا موجودہ پولیس اسٹیشن اور ہلال احمر کی عمارت۔
صارفین کی تعداد: 3
http://oral-history.ir/?page=post&id=13385