زبانی تاریخ (ایران) :: تألیف میں زبانی تاریخ کے ساتھ مقامی تاریخ کے تعامل کی اہمیت(حصہ دوم)

تألیف میں زبانی تاریخ کے ساتھ مقامی تاریخ کے تعامل کی اہمیت(حصہ دوم)

ڈاکٹر ابوالفضل حسن آبادی

ترجمہ: ضمیر علی رضوی

2025-09-06

ایران کی مقامی زبانی تاریخ میں تاریخ کی تألیف کی صورتحال

ایران میں مقامی زبانی تاریخ کی تألیف کا جائزہ لینے سے یہ بات سامنے آتی ہے کہ یہ تألیفات کچھ مرکزی محوروں کے ذیل میں انجام دی گئی ہیں:

* اسلامی انقلاب: مقامی تألیف میں زبانی تاریخ کا اہم ترین موضوع، اسلامی انقلاب ہے۔ اس میدان میں تألیف کی روش حکومتی ہے اور زیادہ تر انجام شدہ سرگرمیاں، تعاونی اور ان کی ساخت وصفی-تاریخی اور ذوقی ہے۔ ان مراکز کی اہم ترین تألیفی سرگرمیوں میں سے مؤسسۂ تنظیم و نشر آثار امام خمینی کی کتابوں کا تذکرہ کیا جاسکتا ہے جس نے 1998 میں اسلامی انقلاب کی مقامی تاریخ کے دستاویزات تیار کرنے کے لیے ’’یادوں‘‘ کے عنوان سے پروگرامز کے سلسلے کا آغاز کیا تھا۔ کتابوں کا پہلا سلسلہ ’’خمین در انقلاب‘‘(انقلاب میں خمین) ہے جسے جناب محمد جواد مرادی نیا نے تیار کیا اور بتدریج دوسری تألیفات جیسے ’شیراز در انقلاب‘(مرادی خلج، 2013)، ’تبریز در انقلاب‘(بہبودی، 2004) انجام پائیں اور بنیادی طور پر ان میں وہ کتابیں شامل ہیں جو ملک کے مختلف خطوں میں یادوں اور زبانی تاریخ کے عنوان سے شائع ہوتی ہیں۔ ان کتابوں کی تألیفی روش ایک دستورالعمل کے ذریعے تقریباً معین ہے، کتابوں کے شروع میں وضاحت دی گئی ہے کہ جس سے ان کتابوں کی ساخت تقریباً یکساں ہو۔ اکثر کتابوں میں مقامی زبانی تاریخ تألیف ہوئی ہے، شہر کی تاریخ اور اس کی تاریخی حیثیت کے بارے میں وضاحت دی گئی ہے۔

* مرکز اسناد انقلاب اسلامی نے بھی گزشتہ ایک دہائی کے دوران مقامی زبانی تاریخ کی تألیف پر خصوصی توجہ دی ہے۔ انقلاب کی مقامی تاریخ کی کتابیں اس مرکز کی دوسری کتب کے مقابلے میں زیادہ حجم اور اہمیت کی حامل نہیں ہیں اور نہ ہی مؤسسہ تنظیم و نشر کی طرح تحقیق اور اشاعت کے لیے کسی مدون ضابطۂ کار کی حامل ہیں۔ شائع شدہ کتب میں ’انقلاب اسلامی در سبزوار‘(شمس آبادی، 2011) اور ’انقلاب اسلامی در ہمدان‘(مؤمن، 2007) کا ذکر کیا جاسکتا ہے۔

* جنگ کی تاریخ: ایران میں مسلط کردہ جنگ، بڑے پیمانے کا ہونے اور ملک کے زیادہ تر علاقوں میں نظام زندگی کو متأثر کرنے کے باعث، بہت اہمیت کی حامل ہے۔ ایران میں مختلف علاقے، مختلف حالات اور سطحوں پر اس مسئلے میں الجھے رہے۔ جنگ کی تاریخ کے دستاویز تیار کرنے کی غرض سے تألیف شدہ کچھ کتابیں مقامی معلومات پر مشتمل ہیں۔ زیادہ تر مقامی زبانی ڈیٹا، جنرلوں اور کمانڈروں کی یادوں کے ذیل میں بیان ہوا ہے اور جنگ کے دوران اہم شہروں کی تاریخ کو محور بنا کر بہت کم معلومات ہی پیش کی گئی ہے جیسے دزفول شہر۔

* مقامی تاریخ کی کتب: گزشتہ کچھ سالوں کے دوران محققین نے مقامی تاریخ کے دستاویزات تیار کرنے کے لیے زبانی تاریخ کے استعمال پر توجہ دی ہے۔ یہ محققین اکثر و بیشتر زبانی تاریخ کی مدد لیتے ہوئے نامکمل اور وسیع پیمانے پر وصفی-تاریخی معلومات اکٹھا کرنے کی کوشش میں لگے رہتے ہیں اور عام طور پر اس معلومات کے صحیح یا غلط ہونے کی جانچ پڑتال بھی نہیں کرتے۔ ان محققین کا سب سے اہم مقصد، مقامی زبانی تاریخ کی وصفی تألیف ہوتا ہے، البتہ تاریخی دستاویزات اور شواہد کی عدم موجودگی میں ان کی معلومات کا بڑا حصہ، زبانی تاریخ کے ڈیٹا پر مشتمل ہوتا ہے۔ تاریخی تألیفات کے علاوہ دلچسپی رکھنے والے محققین نے بشریات، معاشرتی تاریخ اور عمرانیات کے موضوعات پر بہت سی کتابیں لکھی ہیں کہ جن کی ایک اہم معلوماتی ساخت، زبانی تاریخ کا ڈیٹا ہے اور معلومات کو اکٹھا کرنے میں نادانستہ طور پر مقامی روش کو استعمال کیا گیا ہے۔

* مقامی شخصیات کی زبانی تاریخ کی تألیف: قابل قدر مقامی تاریخ کے ذیل میں ایک اہم ماخذ جو توجہ کا مرکز بن چکا ہے، وہ مقامی شخصیات کی یادیں ہیں۔ عام طور پر یہ یادیں اس شخصیت کے سوانح حیات اور رہائشی علاقے کے بیان سے شروع ہوتی ہیں اور اس شخصیت کے اقدامات کے ساتھ آگے بڑھتی ہیں۔ جنگ اور انقلاب یا ذاتی یادوں کے حوالے سے تألیف شدہ زیادہ تر انٹرویوز کا مقامی زبانی ڈیٹا کے ساتھ ایک طرح کا تعلق ہوتا ہے۔ اس معلومات کی اکثر و بیشتر تألیف اداروں اور مؤلفین کے ذوق یا انٹرویوورز کے تقاضوں کی بنیاد پر ہوتی ہے۔

نتیجہ:

زبانی تاریخ کی مقامی تحریر اور مقامی زبانی تاریخ میں تألیف پر توجہ کی اہمیت کا تعلق، مقامی معلومات کی نوعیت، اس کی ساخت اور زبانی تاریخ کی معلومات کی نوعیت سے ہے؛ در حقیقت وہ معلومات جو لکھی نہیں جاسکتی اور وہ احساسات جنہیں الفاظ کے سانچے میں ڈھالا نہیں جاسکتا۔ سنے جانے والے اور لکھے جانے والے متون میں ایک فرق یہ ہوتا ہے کہ سنے جانے متون میں مواد پر زور اور زبانی یادوں سے زبانی تاریخ کی نوعیت کا مختلف ہونا ہے، اور یہ کہ تاریخ کو زبانی بنانے سے تألیف پر براہ راست اثر پڑتا ہے۔ زبانی تاریخ کی تنقیدی نوعیت اور یاد نگاری کی وصفی نوعیت کا تعلق مخاطبین، آرڈر دینے والوں، پروجیکٹس کی انجام دہی، موضوع کی نوعیت، اس کی تأثیر اور اکٹھا کرنے کے طریقے سے ہوتا ہے۔ مقامی زبانی تاریخ کی تالیف میں نظریہ اور طریقۂ کار جو تجزیہ و تحلیل یا توصیف اور آگاہی پر مبنی ہوتا ہے، اس کا تعلق بنیادی زبانی مآخذ، ثانوی مآخذ، سرکاری معلومات اور غیر سرکاری معلومات سے ہوتا ہے اور اس کے ساتھ یہ نظریات اور طریقۂ کار، زبانی تاریخ کے مقامی تاریخ اور بشریات جیسے شعبوں کے درمیان ایک بین مضامین تعامل ہوتے ہیں اور ان سے متأثر ہوتے ہیں۔ زبانی تاریخ یا یاد نگاری کی تألیف میں مقامی تاریخ کا موضوع بھی اہم ہوتا ہے اور مقامی تاریخ کی کمرشلائزیشن، مخاطبین، تنوع، توقعات اور معلومات کی لوکلائزیشن جیسے امور، مقامی تاریخ کی تألیف میں مؤثر ہوتے ہیں۔ ایسا معلوم ہوتا ہے کہ زبانی تاریخ کی کتب یا مقامی تاریخ کی کتب کی تألیف سے متعلق، نوعیت اور ساخت کے حوالے سے کسی قسم کی کوئی وضاحت پیش نہیں کی گئی ہے اور معیاری اور غیر معیاری انٹرویوز سے حاصل شدہ بے شمار ڈیٹا کو مقامی تاریخ کے بڑے سے پیمانے میں ڈال دیا جاتا ہے، بغیر اس کے کہ لوگ، مقامی تاریخ اور زبانی تاریخ کے درمیان رابطے کی ساخت، نوعیت اور تحقیق اور تألیف کی قسم کے چناؤ میں اس کی اہمیت سے آگاہ ہوں۔ [1]

منابع:

- بهبودی، هدایت‌الله (1383). تبریز در انقلاب. تهران: مؤسسه تنظیم و نشر آثار امام خمینی، مؤسسه چاپ و نشر عروج.

- شمس‌آبادی، حسن (1390).انقلاب اسلامی درسبزوار. تهران: مرکز اسناد انقلاب اسلامی.

- مرادی خلج، محمدمهدی (1392). شیراز در انقلاب. تهران: مؤسسه تنظیم و نشر آثار امام خمینی، مؤسسه چاپ و نشر عروج.

- مؤمن، ابوالفتح (1386). انقلاب اسلامی در همدان. تهران: مرکز اسناد انقلاب اسلامی.

- نورایی، مرتضی (1386).در آمدی بر ویراستاری در تاریخ شفاهی. گنجینه اسناد، 17 (66):118.

- Baum, will K (1991).Transcribing and Editing Oral History

American Association for State and Local History.

- Crawford, Charles W (1974). Oral History: The State of the Profession. The Oral History Review, Vol. 2.

- Danielson, Larry (1980). The Folklorist, the Oral Historian, and Local History.The Oral History Review, Vol. 8.

- Dorson, Richard M (1969). A Theory for American Folklore Review. American Folklore,Vol 72.

- Frish, Michael (1990). Oral History, Documentary, and the Mystifcation of power: A Critique of Vietnam: A Television History, in A Shared Authority: Essays on the Craft and meaning of Oral and Public History Albany. State University of New York Press.

- Gates, Barbara T (1974). Words Worths Use of Oral History. Folklore, Vol. 85, No,4.

- Gerber, David A (1979). local and Community History: Some Cautionary Remarks on Idea whose time has Returned .History teacher, vol 3, No 1.25.

- Ives, William (1920). The 1913 Disaster Michigan Local Legend. Folklore Forume, Vol.3

- Moffatand, Maurice P & Rich, Stephen G (1952). The Place of Local History in Modern Education. Journal of Educational Sociology, Vol. 26, No. 2

Perks, Robert & Thompson, Alistair (2006). The Oral History Reader. second Edition, London: Routhadge

Portelli Allessandro (1988). What makes oral history different. Index oral History - Reader, ed.Robert Perks Alistar Thompson. New York: Routledge.

- Samuel, Raphael(1976). Local History and Oral History. History Workshop,No.1

- Serikaku, Laurie R (1989). Oral History in Ethnic community Oral History Review. Vol 17. No 1.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

[1] دکتر ابوالفضل حسن آبادی، دوفصلنامه علمی تخصصی تاریخ شفاهی، سال چهارم، شماره 7، پژوهشکده اسناد سازمان اسناد و کتابخانه جمهوری اسلامی ایران، بهار و تابستان 1397، ص 225-218.

oral-history.ir

صارفین کی تعداد: 10

http://oral-history.ir/?page=post&id=12794