ماموستا 26
ایران سے ایک خوشخبریمصنف: علی رستمی
ترجمہ: ضمیر علی رضوی
ویرائش: یوشع ظفر حیاتی
2025-01-08
1967(1346) کے موسم گرما میں کچھ ایرانی طالب علم، پاوہ سے حلبچہ آئے اور راستے میں انہوں نے عَنَب گاؤں کے حجرے میں رات گزاری۔ وہ بتا رہے تھے کہ حال ہی میں حکومت ایران اور ملٹری سروسز کے ادارے نے ایجوکیشن ڈیپارٹمنٹ کو اجازت دے دی ہے کہ دینی تعلیم حاصل کرنے والے طالب علموں کے لیے عارضی تعلیمی استثناء سرٹیفکیٹ جاری کرے تاکہ طالب علم، آزادی سے اس کے ذریعے اپنی تعلیم جاری رکھ سکیں۔
یہ خبر سن کر مجھے بہت خوشی ہوئی اور اکتوبر 1967(آبان 1346) میں، دو سال کی غریب الوطنی کے بعد میں ڈرتا ڈرتا ایران لوٹ آیا۔ اس بار میں، نوسود کے راستے سے داخل ہوا کیونکہ حکومت نے شوشمی کے بارڈر پر زیادہ سختی کر رکھی تھی۔ اسی لیے میں نے عَنَب کو خوشگوار یادوں کے ساتھ خیرباد کہہ دیا اور عراق کے کردستان کے درہ شیش، تائرہ، ہاوار گاؤں سے گزرتا ہوا ایران میں داخل ہوگیا اور دریائے سیروان کے کنارے سے شیخان اور ہیروی گاؤں سے ہوتا ہوا، پل دوآب[1] اور گنجگہ کے راستے نوریاب پہنچ گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
[1]۔ نوسود پر جا کر ختم ہونے والے پاوہ روڈ کے بیچ، دریائے پاوہ اور دریائے سیروان کے ملنے کی جگہ۔
صارفین کی تعداد: 179
http://oral-history.ir/?page=post&id=12327