مدرسہ کی دادیاں

راوی: خانم زہرا درویشی

انتخاب: فائزہ ساسانی خواہ
ترجمہ: صائب جعفری

2023-5-13

اسکولوں  میں حجاب پر پابندی عائد ہوچکی تھی اور لڑکیاں مجبور تھیں کہ اسکول کا یونیفارم ہی پہنیں۔ میرے والد سخت مذہبی انسان تھے۔ ان کا کہنا تھا کہ میں اس پر راضی نہیں ہوں کہ میری بیٹیاں اس حال میں تعلیم حاصل کریں۔ اسی وجہ سے جب میری عمر  اسکول جانی کی ہوئی  تو انہوں نے مجھے اجازت نہیں دی کہ میں اسکول جا سکوں۔ تین چار سال کے بعد زینب نے اس معاملہ میں قدم اٹھایا اور اس کی ضد نے والد صاحب کی رائے کو تبدیل کر دیا۔ باوجود اس کے کہ میں (زہرا درویشی) زینب سے بری تھی مگر ہم دونوں کو ہی پہلی کلاس میں داخلا ملا۔

اسکول کے پہلے دن میرے والد ہمارے ہمراہ اسکول آئے اور پرنسپل سے کہا کہ میری بیٹیاں چادر اوڑھ کر اسکول آئیں گی اور کسی کو ان پر اعتراض کا کوئی حق نہیں ہے۔ پرنسپل نے بھی اس کو قبول کرلیا۔ ابھی کچھ دن ہی گذرے تھے کہ اسکول کا چپڑاسی ہماری کلاس میں آیا اور ہماری چادریں چھین کر ایک تھیلے میں بھریں اور کہا کہ میں ان چادروں کو جلا رہا ہوں اور یہ آخری مرتبہ ہے کہ  تم لوگ چادر پہن کر  اسکول آئی ہو آئندہ کوئی چادر پہن کر نہ آئے۔

اس دن ہم بغیر چادر کے اسکارف پہنے گھر پہنچے جب ہمارے والد نے ہمیں دیکھا تو غصہ سے سیخ پا ہوگئے۔ انہوں نے کہا: ’’یہ کیا بد تمیزی ہے؟‘‘ میں نے کہا: ’’پرنسپل نے ہماری چادریں چھین لی ہیں۔‘‘ اگلے دن والد صاحب خود اسکول آئے اور پرنسپل سے جھگڑنے لگے کہ تم نے کس حق کی بنیاد پر میری بیٹیوں کے سر چادر چھینی ہے؟ تمہیں بچوں کی تعلیم پر دھیان دینا چاہئے نہ کہ ان کی بے حجابی پر۔

والدہ صاحبہ کے اصرار کے بعد والد صاحب نے ہمیں دوبارہ مدرسہ بھیج دیا لیکن جن دنوں میں کوئی خاص جشن وغیرہ ہوا کرتا تھا اس سڑکوں پر ہجوم ہوتا تھا اس دن ہمارے والد ہمیں مدرسہ جانے سے روک دیا کرتے تھے۔ ۱۹۷۸ ء کے اوائل میں ایک مولانا جن کا نام رفیعی تھا اپنے گھر والوں سمیت  ہمارے اپنی سیاسی اور ثقافتی تبلیغ کے سلسلہ میں ہمارے گھر تشریف لائے۔ جب  محترمہ رفیعی بیگم نے ہمیں دیکھا کہ ہم سر پر رومال باندھ کر چادر اوڑھ رہے ہیں تو انہوں کہا کہ میں تم لوگوں کے لئے مقنعہ سی دیتی ہوں اس طرح تم لوگ  کلاس میں سکون سے بیٹھ سکو گی۔

انہوں نے میرے اور زینب کے لئےدو مقنعہ سی دئیے۔ اس صبح کو میں اور زینب بہت خوشی  خوشی اسکول گئے۔ اسکول کے اسمبلی کے وقت ایک استاد چلایا: ’’ اوہ ہو۔۔ مدرسہ کی دادیوں ادھر آؤ میں بھی تو دیکھو  کہ کیا مسئلہ ہے۔‘‘ سارے بچہ ہنسنے لگے۔ میں اور زینب دونوں ڈر تے لرزتے استاد کے پاس گئے۔ اس نے پوچھا: ’’ یہ  کس نے سی کر دی ہیں؟‘‘ میں نے کہا: ’’ہمارے گھر ایک خاتون مہمان ہیں۔ انہوں نے سی کر دی ہیں۔‘‘ اس نے کہا: ’’بہت بڑی غلطی کی ہے۔ فضول کام کیا ہے۔ آخر تم لوگ اسکول کے قوانین  کو اپنے پیروں تلے کیوں روندتے ہو؟ روزانہ ایک نیا ڈرامہ بن کر اسکول آجاتی ہو۔ کل سے میں نہ دیکھوں کہ اس حالت میں تم لوگ اسکول آئی ہو۔‘‘

اگلے دن امام خمینی کے حکم پر ہڑتال تھی۔ ہمارے والد بھی گھر پر ہی تھے اور لوگوں کو بھی کام پر جانے سے منع کر رہے تھے۔  ہم بھی مدرسہ نہیں گئے تھے۔ ہرمز کا علاقہ روحوں کی بستی معلوم ہوتا تھا۔

ہڑتال ختم ہوئی تو ہم  اسکول پہنچے۔ اسکول کی پرنسپل شمر کی طرح سیڑھیوں پر کھڑا چلا رہا تھا : ’’ اب یہ کیا مذاق ہے تم لوگ اسکول کیوں نہیں آئی تھیں؟ ‘‘ ہم نے جواب دیا: ’’ ہمارے والد نے کہا تھا کہ خمینی نے ہڑتال کرنے کو کہا ہے سو ہم ہمیں گھر میں رہنا چاہئے۔‘‘ پرنسپل نے کہا: ’’ یہ بڑوں کی باتیں ہے اس سب سے تمہارا کیا لینا دینا؟‘‘

چوتھی کلاس تو ہم نے کسی نہ کسی طرح سختیوں  میں کاٹ کر گذار دی مگر اس کے بعد ہم ستمبر کے مہینہ سے یعنی نئے تعلیمی سال سے اسکول نہ جاسکے اور انقلاب اسلامی کی کامیابی کے بعد دوبارہ سے تعلیم کا آغاز کیا۔[1]