مثالی سوالات
حمید قزوینی
ترجمہ: سید مبارک حسنین زیدی
2017-08-03
گزشتہ سطور میں "مناسب سوال" کی کچھ خصوصیات کی طرف اشارہ کیا گیا۔ اب ہم یہاں مزید وضاحت کے لئے سوال کی اقسام کی چند مثالیں پیش کریں گے۔ مناسب سوال اور نا مناسب سوال کی مثالوں کو مساوی تعداد میں ذکر کریں گے تاکہ مخاطب دونوں قسموں میں موازنہ کرسکے۔ البتہ یہ بات واضح سی ہے کہ کچھ جگہوں پر جواب تک رسائی حاصل کرنے کے لئے ایک سے زیادہ طریقے استعمال کرنے چاہئیے۔
نامناسب سوالات:
۔ کیا آپ محرم کے مہینے میں عزاداری اور مجالس میں شرکت کرتے تھے؟
۔ کیا آپ آفیسرز کلب کے پروگراموں میں شرکت کرتے تھے؟
۔ جنگ کے دوران کن مواقع پرآپ نے ڈر اور خوف کا احساس کیا؟
۔ کیا آپ گھر سے دفتر تک کا فاصلہ پیدل طے کرتے تھے؟
۔ کیا دنوں میں آپ سفر پر جاتے تھے؟
۔ کیا آپ کے گھر والے، جنگ میں شرکت کرنے پر آپ کے مخالف نہیں تھے؟
۔ آپ کے محاذ پر رہنے کے دوران آپ کے گھر والوں کو مشکل کا سامنا نہیں تو تھا۔
۔ کیا آپ کا شہید بیٹا، گھر کے کام کاج میں آپ کی مدد کرتا تھا؟
۔ کیا آپ نے اپنی اہلیہ کو [شادی سے] پہلے دیکھا تھا؟
۔ اس جنگی آپریشن میں دشمن کو کتنا نقصان اٹھانا پڑا؟
۔ آپ زخمی کیوں ہوئے؟
۔ کیا اس آپریشن کو ایک کامیاب آپریشن سمجھا جاسکتا ہے؟
۔ آپ محاذ پر کب گئے؟
۔ آقا ... کے بارے میں آپ کی کیا رائے ہے؟
۔ کیا آپ آقا ... راضی تھے؟
۔ کیا یہ بات سچ ہے کہ آقا ... کے مقلدین زیادہ نہیں تھے۔
۔ کیا آپ کو اذیت دیتے ، کوڑے بھی مارتے تھے؟
۔ زد و کوب کے وقت آپ کتنا برداشت کرتے تھے؟
۔ کیا آپ کے والد، تنبیہ کے وقت آپ کو مارتے تھے؟
۔ کیا آپ پڑھائی کے زمانے میں ایک کامیاب انسان تھے؟
مناسب سوالات
۔ ماہ محرم الحرام کی سرگرمیوں اور پروگراموں میں سے آپ کو کیا یاد ہے؟ نیز محلے کے لوگ کس انداز میں ان میں پروگراموں میں شریک ہوئے تھے؟
۔ کیا آفیسرز کلب کے پروگراموں میں شرکت کرنا ضروری تھا۔
۔ آفیسرز کلب کے پروگرام کس نوعیت کے تھے؟ اور کس طریقے سے لوگوں کو شرکت کیلئے قائل کرتے تھے؟
۔ معاون افراد کس حد تک آفیسرز کلب کے پروگراموں میں دلچسپی رکھتے تھے۔
۔ آپ گھر سے دفتر تک کے فاصلے کو کیسے طے کرتے تھے؟
۔ اس زمانے میں سفر کرنا کیسا تھا؟ کیا آپ کے لیے سفر کرنا ممکن تھا؟
۔ کن موقعوں پر فوجی خوف اور وحشت سے دوچار ہوتے تھے؟
۔ آپ محاذ جنگ پر تھے اس بارے میں آپ کے گھر والوں کی کیا رائے تھی؟
۔ آپ کی محاذ پر مصروفیات کے دوان آپ کے گھر والوں کو کن مشکلات کا سامنا تھا اور وہ کیسے ان مشکلات کو حل کرتے تھے؟
۔آپ کا شہید بیٹا کن امور میں اور کس طرح آپ کی مدد کرتا تھا؟
۔ پہلی بار آپ نے اپنی زوجہ کو کہاں دیکھا؟
۔ اس آپریشن میں دشمن کو کہاں تک ہزیمت اٹھانا پڑی؟ وضاحت سے بیان کریں۔
۔ آپ زخمی کیسے ہوئے؟ تفصیل سے بتائیے۔
۔ اس آپریشن کا مقصد کیا تھا اور کس حد تک پورا ہوا؟
۔ کب اور کیسے آپ کو محاذ پر بھیجا گیا؟
۔ آقا ... کی خصوصیات کے بارے میں توضیح دیں۔
۔ دوسروں کی ان کے بارے میں کیا رائے تھی؟
۔ آپ کی نظر میں آقا ... کے مقلدین کی تعداد، اُس وقت کے دیگر مراجع کے مقلدین کی تعداد کے مقابلے میں کتنی تھیں؟
۔ عقوبت خانوں میں کس انداز میں سزا دیتے تھے؟
۔ قیدی، شکنجوں کے مقابلے میں استقامت دکھانے کے لئے کیا حکمت عملی اختیار کرتے تھے؟ اور آپ اس سلسلے میں کس حد تک کامیاب رہے؟
۔ ناکارہ معلومات یا معمول کی معلومات لینے کے لئے قیدی کو کس قسم کے شکنجوں میں جکڑا جاتا؟
۔ باپ وعظ و نصیحت کے لئے کن تدابیر پر عمل کرتا تھا؟
۔ آپ کی پڑھائی کا زمانہ کس طرح گزرا؟ کیا پڑھائی کے حوالے سے حالات سخت تھے؟ یا کوئی مشکل نہیں تھی۔
مثالی سوال
صارفین کی تعداد: 3605
http://oral-history.ir/?page=post&id=7228