پہلوی حکومت کے رویے کے خلاف احتجاج
ترجمہ: ابوزہرا
2021-09-14
امام خمینی (رہ) نے تہران میں پہلوی حکومت کے ایجنٹوں کے ذریعہ آیت اللہ خوانساری اور آیت اللہ بہبانی کے گھروں کے محاصرے اور علماء کی توہین کے بارے میں ایرانی قوم کو 3 بہمن 1341 کو ایک پیغام لکھا۔ پیغام کا متن حسب ذیل ہے:
بسم اللہ الرحمٰن الرحیم
مسلمانوں کو معلوم ہونا چاہیے کہ اسلام کفر کے خطرے میں ہے۔ کچھ مراجع اکرام اور علماء قید ہیں اور کچھ اپنے گھروں میں نظربند ہیں (1)۔ حکومت نے حکم دیا ہے کہ مدارس کی بے حرمتی کی جائے ، اور بے نوا علماء کو مارا پیٹا جائے ، اور مسلم بازار کو لوٹا جائے ، اور دکانوں کے دروازے اور کھڑکیاں توڑ دی جائیں۔ تہران میں آیت اللہ خوانساری (2) اور آیت اللہ بہبانی (3) کو سخت محاصرے میں لیا گیا۔ اور کچھ معزز علماء اور مبلغین کو قید کر دیاہے۔ ہم ان کے بارے میں کسی بھی طرح سے نہیں جان سکتے۔ وہ ٹھگوں کو علماء اور مولویوں کی توہین پر اکساتے ہیں۔ حضرات ، علماء کو ایران کے علاقوں میں اسلام کی تبلیغ کرنے اور احکام کے پرچار سے روک دیا گیا ہے۔ ہمارے ساتھ قرون وسطی کے غلاموں جیسا معاملہ ہورہاہے۔ خدا کی قسم ، میں یہ زندگی نہیں چاہتا۔
انِنّى لَا ارَى المَوْتَ لِلّا سَعَادةً وَلَا الحَیَاةَ مَعَ الظَّالِمِینَ ا ِلّا بَرَماً (4)۔ میری خواہش ہے کہ ایجنٹ آئیں اور مجھے گرفتار کریں تاکہ مجھ پر سے تکلیف ساقط ہوجاٸے۔ اسلامی اسکالرز اور دیگر مسلمانوں کا جرم صرف یہ ہے کہ وہ قرآن اور اسلام کی عزت اور ملک کی آزادی کا دفاع کرتے ہیں اور استعمار کی مخالفت کرتے ہیں۔
ہم تو یہ کہتے ہیں۔ جناب عَلم اور ارسجانی (5) کیاکہتے ہیں؟۔ *
روح اللہ الموسوی خمینی
1- وہ شخص جس کی توہین اور بے عزتی کی گئی ہو۔
2- آیت اللہ سید احمد خوانساری
3- آیت اللہ سید محمد موسوی بہبانی
4- بہارلانور ، جلد 75 ، صفحہ 117. امام حسین (ع) کے احکامات سے: "میں موت کو خوشی کے سوا نہیں دیکھتا ، اور ظلم کے ساتھ زندگی ، سوائے شرم کے۔"
5- اسد اللہ عَلم (وزیراعظم) علی امینی کی کابینہ میں وزیر زراعت حسن ارسجانی ، جو اسد اللہ عالم کی صدارت کے دوران اسی عہدے پر رہے ، زمینی اصلاحات کے پروپیگنڈے میں قائدین میں سے تھے۔
حوالہ
* صحیفہ امام ، ج 1 ، ص 141۔
15khordad42.ir
صارفین کی تعداد: 2025
http://oral-history.ir/?page=post&id=10094