کتاب لشکر نامہ دیلمقانی پر ایک نظر

مترجم: سید جون عابدی

2015-9-9

میجر جنرل محمد دیلمقانی  ۱۲۹۹ میں مشہد کے ایک  قدیم  محلہ میں پیدا ہوئے ۔ابتدائی  تعلیم  مدرسہ شرق  اور عنصری  میں   حاصل  کی اور ہائی اسکول دبیرستان  شاہرضا سے  کیا ۔اور  اس کےبعد   ۱۳۱۶ میں  مشہد  کے فوجی اسکول میں  داخلہ لے لیا ۔ملک   کی خدمت  کے   جذبہ کی  وجہ  سے مہر  ۱۳۱۹ کو انجینئرنگ کی تعلیم کے لئے افسری کالج میں داخلہ  لیا اور ۱۳۲۴ کو  مشہد  واپس  آگئے۔ محمد دیلمقانی کی  سرگرمیاں مشهد، سنندج، بیرجند، بلوچستان، کرمانشاه اور تهران تک پھیلی ہوئی تھیں اور زیادہ تر انکا کام علمی  اور سپورٹ کرنے کے مسائل  سے  متعلق  تھا ۔انہوں نے مہر  ۱۳۵۴  میں میجر  جنرل کا  عہدہ سنبھالا  تھا۔

کتاب  لشکر نامہ خود میجر محمد تقی دیلمقانی کی لکھی ہوئی یادیں ہیں جو انہوں   سماجی  اور   فوجی مسائل کے سلسلہ میں لکھی تھیں۔ ان یادداشتوں کو  رامین رامین  نژا د  نے  جمع  کیا ہے اور یہ  کتاب  ۱۳۹۳ میں  آہنگ  قلم  پریس سے  طبع  ہوئی۔

آج  کےدورمیں    یادداشت  اور یادداشت  نویسی  ایک  تاریخی  ماخذ    شمارہوتے ہیں کیونکہ   قاری  اس  کا  مطالعہ  کرنے کے بعد  مختلف  جزئی مسائل سے آگاہی  پید ا کرتا ہے ۔یادداشت  کو   عام  حالات  میں    عام طور سے دومختلف   طریقوں سے  لکھا  جاتاہے ۔پہلے    وہ  یادداشت  جو  ہر روز  لکھی   جاتی  ہے  اور دوسری    جو   کسی  شخص  کی  پوری  زندگی  کی     وہ  یادداشتیں جو  مختلف افراد  کے ذریعہ  لکھی  جاتی  ہیں ۔ مجموعی  طور  پر  وہ   یادداشت جو شخص   اپنے  نظریات کے مطابق  تحریر  کرتا ہے  اس میں     وہ  اپنے نفع  و نقصان  کو   بھی  پیش  نظر  رکھتا ہے ۔یادداشت  لکھنے   والا  شخص  کوشش  کرتا ہے کہ  ایک خاص زمانہ میں   ایک  مسئلہ  کے سلسلہ میں   اپنے کردار کوبیان کرے۔اس قسم  کی  یادیں   موجود  ہیں  جنہیں  ایک شخص کے لکھنے  بعد   تصحیح اور  تجزئیہ کیا  جاتا ہے  اور   یادداشت کے  متن کے سلسلہ میں  جو  اشکالات اور سوالات  ہوتے ہیں  ان کے تحت  اس کی تکمیل کی  جاتی ہے  اور  اسے حتمی  شکل  دی جاتی ہے ۔

تقریبا  اکثر   لوگ   اسی خیال  سے  اپنی یادداشت  لکھنا  شروع کرتے  ہیں   کہ ان کی  یادداشت    آیندہ  نسلوں کے  لئے  اہم اور  کارساز  ہونگی ۔ٹیکنالوجی  کی  ترقی  کے  ساتھ ساتھ   ہر   روز  انٹر   نٹ  پر   مختلف  سائیٹوں اور  وبلاگوں   پرلو گ  اپنی  یادداشت   منتشر  کرتے ہیں ۔بہر   حال   عصر  حاضر میں  یادداشت  نویسی   بہت زیادہ  رایج  ہوگئی ہے اور یہ  یادداشت    ادبی ،سیاسی ،سماجی  اور اقتصادی  میدانوں میں    ظاہر ہوئی   ہیں ۔مجموعی   طور   پر  ایران میں   بھی    یادداشتوں کا  ایک  بڑا  حصہ  اسلامی  انقلاب اور  دفاع  مقدس سے  مخصوص  ہے ۔ کتاب  لشکر نامہ   در واقع   میجر  جنرل  دیلمقانی  کی خود  لکھی   ہوئی  یادداشت ہے ۔اگرچہ   ان   یادداشت  کا  اصلی  متن  خود  انہیں  کا لکھا  ہوا ہے  لیکن   کتاب کے ترتیب کار رامین   رامین  نژاد نے    مصنف  کےساتھ  گفتگو کے  ذریعہ  اطلاعات حاصل کی  گی ہیں تاکہ  ان   یادوں  کو  مکمل  کیا جائے  اور اانہیں  ایک   نیا   رنگ دیا جائے ۔

دیلمقانی صاحب  نے اس   کتاب لشکر  نامہ  کی   تصنیف اور  تکمیل  کے سلسلہ میں  یوں لکھا ہے :’’میں   نے  لشکر خراسان اور دیگر  لشکر وں  میں   خدمت   کے  وقت  کی  یادوں  کو  کاغذ   پر   تحریر  کیا تھا ۔رامین نژاد  صاحب    میرے   گھر  میٹنگ  کے لئے  دس بار   تشریف لائے اور میری  یادداشت سے متعلق  کچھ نئے  سوالات کیے اور اور  انکے   جوابات  کو   نوٹ  کیا ۔اور یونہی  انہوں نے کتا ب کی اصلی  عبارت کو  کئی بار    پڑھا اور  اس کو  ترتیب دیا ۔اور  میری  خدمت کے  وقت کےکئی   منتخب  فوٹو اس کتاب  میں   چھاپے۔‘‘(۲)

اس  یادداشت کا  اصلی    موضوع   فوجی  تاریخ  سے   مرتبط  ہے  لیکن    دیگر  اطلاعات   بھی   قابل   غور ہیں   اور  ان میں  نئے   مطالب ہیں ۔پہلے  مرحلہ میں  یہ  یادداشت   خود   مصنف  کے ذریعہ  لکھی  گئی ہیں   لیکن  اس کے بعد   اس  کو  جمع کرنے والے  نے ترتیب  دیکر   اپنے قلم سے  ایک  نئی عبارت  پیش  کی ہے ۔کہا جاسکتا ہے:حتمی متن  مصنف اور  ترتیب کاردونوں  ہی کی   کوششوں  کوششوں کا  نتیجہ ہے ۔کیوں  کہ  یادداشت  کی  اصلی   عبارتوں  میں    فن تحریر  نہیں ہے ۔مصنف  کی  زندگی  میں خود  ان کے ذریعہ  لکھے ہوئی  یادداشت کا  تجزئیہ کیا  گیا ہے  اور  ترتیب کار نے   مصنف سے  ملکر  دوبارہ   لکھنا  شروع  کیا  اورنہائی   عبارت  میں   قوی نقاط  اور  مناسب    امور  کے  اضافہ  کےذریعہ   یادداشت کو  تکیمل  کیا ۔در حقیقت  اگر  یادداشت کا   سب سے پہلا نسخہ   طبع ہوجاتا تو  ان  جدید یادوں اور  اطلاعات  کا  ایک اہم  حصہ  طبع  ہونے سے   رہ جاتا جو  مصنف  نے بعد  میں بیان کیا تھا۔

یادداشت  کی اصلی  عبارت میں    لشکر نامہ کا  عنوان  نہیں آیا ہے  بلکہ  یہ  ترتیب کارکے  ذوق کا نتیجہ ہے  کہ  انہوں  ایسے   نام کو  ایجاد کیاجو   کتاب  کے مطالب سے  مربوط ہے۔اور اس نے  کتاب کو  نمایاں کردیا ۔یادداشت کا  اصل  عنوان ’’ خاطرات سرلشکر محمد دیلمقانی بازنشستہ، مہندس ستاد ‘‘ہے۔اور اس میں  ان کی   زندگی کو دوحصوں میں تقسیم کیا گیا  ہے۔نصف  اول میں  انتظار ہے اور نصف دوم شروع ہونے کی حسرت ہے ۔یادداشت کی شروعات میں   مصنف   کے   اجداد کی جائے  پیدائیش  شہر  دیلمقان سے  متعلق  کچھ مطالب ہیں  اور  دیلمقانی صاحب نے  اس میں    دیلمقان سے متعلق  تاریخ  میں   مذکورہ  کچھ باتوں  کو   لکھنے کی کوشش کی ہے ۔لیکن    ترتیب  کا ر نے  ان  باتوں کو  حاشیہ میں   لکھا  ہے ۔

لیکن  اب اہم  سوال  یہ  اٹھتا ہے   کہ   تریتب  کارافراد   کس  حد  تک  اصل  یادداشت میں   تبدیلی  کرسکتے  ہیں ۔کیوں کہ  رامین نژاد  صاحب  کے  ذریعہ  کی گئی   تبدیلیا ں  جزئی  ہیں اور  انہوں   نے کتا  ب کے   اصلی  متن  میں  قابل   توجہ   حد  تک  مدد کی  ہے۔مثلا  یادداشت کے   اصلی متن  کے   بعض حصہ  کو  ترتیب کے دوران  تبدیل کردیا  گیا اور  اس  کو  بطور  مثال  پیش  کیا ہے۔

یادداشت  کے  پہلے اور  اصلی  متن میں   دیلمقانی کے بچپن کو  یوں بیان  کیا  گیا ہے :

’’میرے  بچپن  کا زمانہ  میر ے  ہم  سن  دیگر  بچوں کی  طرح  گذرا،میں نے  کھیل  کود اور  اپنی  عمر کے  مطابق   کردار  ادا  کیا لیکن اس میں  شرارت   بہت زیادہ  تھی ۔ایک  روز  جب  میں   پانچ یا چھ سال کا  تھا  میرے   والد   نے مجھے   تعلیم  حاصل کرنے کے  لئے  مکتب  کے  مولوی  جناب  میرزا کے  پاس  بھیجنے کا  فیصلہ کیا ۔  تاکہ   میری   تعلیم   کی جگہ  مدرسہ  سے قریب رہے   اور  نگرانی  بھی  ہوتی رہے   میری   والدہ جن کے پاس    ہماری  گلی  میں کئی مکان  تھے ان میں  سے ایک  کو  مدرسہ اور  مولوی صاحب اور  ان کی  بیوی   کے لئے دے دیا ۔‘‘(۳)

لشکر نامہ   کے  نام  سے  طبع  شدہ  اس یادداشت میں    یہ بات اس طرح بیان  ہوئی ہے :’’میرے بچپن کا   زمانہ   دیگر  ہم سن    بچوں  کے مانند  کھیل  کود  اور  خوش مزاجی میں  گذرا ۔جب  چھ سال کاہوا  تو   میرے والد نے   تعلیم حاصل کرنے کے لئے  مدرسہ کے  مولوی  جناب  میرزا کے پاس  بھیجنے کا  فیصلہ کیا ۔تاکہ   میری تعلیم  کی  جگہ  گھر سے نزدیک  رہے   گلی کے آخر میں  میرے  والد  نے ایک  گھر   مدرسہ سے مخصوص کردیا  اور  میرزاور انکی   اہلیہ کو اس میں  ساکن  کردیا ۔‘‘(۴)

بعض حصوں میں   اطلاعا ت کو  دیلمقانی  صاحب کے ساتھ  گفتگو کے ذریعہ  مکمل  کیا گیا ہے ۔

یادداشت کے اصلی  متن میں  تیر   ۱۳۱۴ کے   مسجد   گوہر شاد کے بعض واقعات:’’اس  زمانہ میں   لشکر کے سردار میجر  جرنل   ایرج  مطبوعی   اور  پیدل  فوج کے  کمانڈر کرنل  قادری تھے۔ایک  ہی  رات میں آکر ان دونوں  نے  سب کو  مار ڈالا ۔اس  را ت میں ۹  بجے تک    مسجد   کے  ہال  کے ایوان   مقصورہ    والے  حصہ  میں   تھا  جہاں شیخ بہلول  منبر صاحب الزمان   پر  تقریر  کررہے  تھے ۔میر ی والدہ آئیں   میرا ہاتھ پکڑ کر لے گئیں اور  گھر کو  اندر  سے  تالہ   لگالیا  اور  چابی   خود  اپنے  جیب میں  رکھ لی ۔تقریبا   گیارہ  بجے رات   تک  ہم  آپس میں   بات چیت کرتے  رہےاور کیا    ماجرا  ہواتھا   بتاتے  رہے ۔ بارہ  بجا   تھا  اور  میں   ابھی سویا ہی تھا  کہ  گولیوں کی آواز  سے  میری  آنکھ  کھل  گئی ۔یاعلی   کا  نعرہ ،  چیخ  و پکار اور  نالہ  شیون کی صدائیں اور  گولیوں کی  آوازیں     مسلسل میرے کانوں  میں آتی رہیں ۔چونکہ   میرے  گھر  سے مسجد  کا فاصلہ  زیادہ  نہیں   تھا اور وہ  قریب  ہی تھی اس  لئے  رات   کی خاموشی  میں  وہاں  کی آوازیں  ہمارے  گھر  تک  بخوبی  سنائی دیتی  تھیں ۔اور  ہلکی  سی آواز  بھی   پتہ چل  جاتی تھی ۔‘‘(۵)

طبع  شدہ  کتاب  میں   کچھ  ایسے   مطالب  بھی  ہیں  جنہیں   اضافہ  کیا   گیا   ہے جو   ترتیب  کار  کی  دقت  نظر اور  یادداشت کے مصنف  کے ساتھ   گفتگو کے ذریعہ  مطالب کو   تکمیل  کرنے کی   نشاندہی  کرتے  ہیں :

’’اس  وقت  میجر   جرنل   ایرج  مطبوعی  (فوج کا کمانڈر )اور  کرنل  حبیب اللہ  قادری (پیدل  فوج کا  کمانڈر)نے  رضا شاہ کے حکم سے  سے  پولس فورس کو   مسجد  گوہر شاد کے   اطراف میں   بھیجا اور  حرم کے   چوراہے   کو مکمل  طور  پر  محاصرہ کرلیا اور  جو لوگ اندر تھے انہیں   گھیر  لیا ۔جمعہ کے  دن   پولس  فورس  اور انقلابی   مزاحمین  کے درمیان سڑک  کی   طرف سے  نکلنے  والے  دروازےاور ’’ صحن  نو ‘‘ کے   گیٹ   پر    شدید   جھڑپیں  ہوئی   تھیں ۔اور  اس میں   چند لوگ    ہلاک اور  زخمی  ہوئے  تھے۔میں نے وہاں   ۳۲ یا ۳۳ جنازے دیکھے تھے   جنہیں   زمین پر   رکھا گیا   تھا ۔

مشہد کے فیز  ۲کاتھانہ  دار سروانی  تھا  جو  ہمارے  گھر  پر   کرائے    پر  رہتاتھا ۔اس  رات  جب  وہ  گھر   آیا تو  اس  نے اپنی بیوی سے کہا کہ  آج  را ت  مسجد میں    جمع  ہونے  والوں  کا  کام تمام کردیا جائیگا (یعنی  ان کا  قتل  عام  کردیا  جائیگا)۔اس  کی  بیوی نے  آکر یہ بات  میری والدہ کو  بتادی  اور  اس را ت میں  مسجد کے   ہا ل میں   ایوان  مقصورہ کے حصہ میں   بیٹھا  تھا اور  شیخ   بہلو  ل   منبر صاحب الزمان پر   تقریر  کررہے تھے۔۹ بجے رات کو  میری  والدہ آئیں  اور  میرا  ہاتھ  پکڑ  کر مجھے گھر  لے گئیں ۔۔۔۔‘‘(۶)

غور  وفکر کے ذریعہ  دونوں   عبارتوں سے   مندرجہ ذیل    اہم مطالب  حاصل  ہوتے ہیں :

۱۔جمعہ  کے روز   مسجد میں   قتل  ہونے والوں کی تعداد

اس  سلسلہ میں  دی گئی  اطلاعا ت  کو  خود  مصنف  سے لیاگیا ہے کہ  وہ اس  بات کے عینی  شاہد ہیں ۔اس  لحاظ سے یہ اطلاع  بہت  اہمیت کی حامل ہے ۔اگرچہ   بعض  موارد  پر    مصنف  نے  صرف  سنی ہوئی  بات  پر بھی  اکتفا کیا ہے ۔ ’’ فریمان کے  اطراف میں   رہنے  والوں کو بربری  فریمان  کے سردار   نے  مسجد  گوہر  شاد  کی   طرف روانہ کیا  تھا‘‘

۲۔تھانہ  دار کے ذریعہ   لوگوں کے قتل  عام  کی خبر

طبع شدہ  کتاب  لشکر نامہ میں  مسجد  گوہر  شادسے متعلق   بہت   سی ایسی اہم   باتیں    موجود ہیں   جن کا  تذکرہ خود  دیلمقانی  صاحب  کی یادداشت میں   نہیں ہے ۔قتل  عام کے  بعد  مسجد  گوہر شاد  جانا اور  تقریبا  ۲۲  دیگر   جنازے   مسجد  کے  صحن  میں دیکھنا  اور  مسجد  کے مقتولین   کی تعدا د ۷  بتانا  یہ  ایسے  اہم  مطالب  ہیں  جو    یادداشت  کی  تکمیل  کے لئے   ترتیب کار  کی   کوششوں  کی  نشاندہی کرتی ہے ۔

بعض  ایسے  موارد  بھی  موجود ہیں  جن  میں  مبالغہ  آرائی کا   پہلو پایا جاتاہے :’’میں   اپنی   وسطانیہ   کی  تعلیم   دبیرستان   شاہ رضا میں   حاصل  کی  یہ مدرسہ  باغ عنبر نامی  ایک   وسیع  وعریض   باغ میں  بنا  تھا  ۔شاید   اس وقت   اسطرح کا مدرسہ   پورے مشرق   وسطیٰ  میں  موجود نہیں   تھا۔‘‘(۸)

میجر  جرنل   دیلمقانی  کی  یادداشت  میں یہ   جدید  اطلاعات  ان  محققین کے لئے  بہت  مددگا ر  ثابت ہونگی  جو   مشہد کی تاریخ   کے سلسلہ میں    تحقیقی  فعالیتیں   انجام  دیتنا چاہتے ہیں ۔ کمیونسٹ  افسروں کا   مشہد کی  چھاؤنی  سے  فرار  کرنا   جیسے  مطالب  اس  کتا ب  کے     قوی نکات میں   شمار ہوتے ہیں ۔اس کتاب    کی دوسری  خوبیوں میں  سے   مشہد  کی  فائر  بریگڈ  اور آقای  شجاعی  کا  وہاں  کا  ہیڈ بننا  جیسی     اطلا عات ہیں  ۔کتاب  کے مطالب  کا   ایک  بڑا  حصہ  فوجی  خدمات  کے  ایام   کی   یادوں  اور  اس کے مسائل  سے  مختص  ہے ۔

میجر جرنل  دیلمقانی  کی   یادداشت کے دیگر    موضوعا ت  میں   امام   رضا  علیہ السلام  کی  ضریح  کی  توسیع  ہے  اور  سلسلہ میں  وہ   کہتے  ہیں :’’۱۳۴۳ میں   میری  پوسٹنگ    تربت  حیدریہ  میں  تھی ۔ایک  دن   خراسان کے  مئیر اور  آستان قدس  رضوی کے  نائب متولی  کی  طرف سے  فوج  رینک   ۲  کے   کمانڈر   کے  نام   ایک  ٹیلیگراف آیا کہ   کرنل  دیلمقانی کو   کچھ   گفتگو کے لئے  مشہد  بھیج  دیا  جائے۔فوج  رینک ۲ کے کمانڈر نے  مجھے   بلایا  اور   پوچھا  :’’تمہار  ا   مئر  اور  نائب  متولی  سے  کیسا  تعلق  ہے ؟میں  نے  کہا :’’ ماضی  میں   میں نے  آستان قدس  کے  خدمات  انجام  دی ہیں  لیکن  ابھی   ان کے ساتھ  کوئی  روابط نہیں  ہیں ۔

کمانڈر نے  کہا  :’’ چونکہ انہوں  نے  تمہیں  بلایا  ہے  لھٰذا  ابھی  چلے جاؤ دیکھو  کیا   بات ہے ۔

میں  مشہد آیا اور  کمانڈر  جرنل  سہبد  عزیزی سے  ملاقات کا  وقت لیا ۔انہوں  پیغام دیا کہ ابھی  اسی  وقت   باغ  ملک  آباد آجاؤ۔ جب  میں   مئر  کے   پاس  پہونچا  ۔۔۔۔ انہوں  نے  کہا :’’دیلمقانی ؛میں نے سنا  ہے کہ  تم  نے آستان قدس  کو   کئی  مشورے  دئے  ہیں  ان میں   سے ایک    ضریح  امام  رضا علیہ السلام کی   جنوبی  حصہ  کی  توسیع  کا مشورہ  ہے  کیوں  کہ   اس طرٖ  ف کے دالان   کا حصہ  بہت  تنگ ہے اور زائرین  کو   رفت  و آمد  میں   بہت  مشکلات کا سامنا  کرنا  پڑتاہے ۔آپ  بتائیں   کہ  کیا  یہ  ممکن ہے کہ اس  جگہ  کی  توسیع کیجاسکے۔جب کہ   یہ  افواہ  ہے  کہ امام  رضا  علیہ السلام کے روضہ  کا گنبد  کچی  اینٹ سے  بنا ہے اور اگر اس کے ایک  کونے کو  توڑتے  ہیں  تو  گنبد  کی  چھت  کے  خراب  ہونے  یا  خود  گنبد کے  کچھ  حصہ کے  گرنے کا  احتمال ہے ۔میں  نےکہا  :’’جی   ہاں؛ اس کے  چوڑا  کرنےکا  امکان  ہے ۔۔۔۔‘‘(۹)

میجر جرنل  دیلمقانی  کی  یادداشت  میں  اسلامی   انقلاب کا تذکرہ  ’’وقائع دوران  انقلاب‘‘کے  عنوان  سے   ہوا ہے ۔اور  اس میں  بھی ماہ بہمن کے ایک  دو  واقعات  یا  یادداشت بیان کی گئی  ہیں ۔اسلامی  انقلاب  پر  مصنف  کی  اچٹتی ہوئی   نظر  ،قابل  تامل  ہے ۔

’’بہمن  ۱۳۵۷  کے  نزیک  آتے  ہی فوج کے  چند  بڑے  افسروں کو  گرفتا ر کرلیا  جاتا ہے ۔بیرونی   ذرائع  ابلا غ  نے   خبر کو  بڑھا  چڑھا  کر  پیش  کرنا شروع  کردیا  ۔میرے  بچے  جو  امریکہ اور کناڈا میں  تھے  انہوں   نےان خبروں  کو  سن کر  فون کرنا  شروع کردیا  اور  حالات  دریافت کرنے لگے۔یہاں تک   بعض   فراری  افراد  نے  اپنے  ٹھکانوں سے  مجھے فون کیا  اورمیرے  گھر  میں  ہونےپر  تعجب کیا ۔بعض یہ سوچ  رہے  تھے  کہ میں   کسی  سے سروکار نہیں   رکھتا  اس لئے  چھپنے کی ضرورت  نہیں ہے اور  بعض کہرہے  تھے کہ جاکر ان کے پاس  چھپ جاؤں اور ان کے ساتھ ہوجاؤں۔لیکن  میں ان  کی باتوں کو  قبول  نہ کرتا  اپنے   گھر کو  سب  محفوظ  جگہ  سمجھتا تھا اور اسی کو ترجیح  دیتا تھا۔اورجس  طرح  میرے  محلہ  والے  مجھے مانتے   تھے  مجھے  بھی ان کی  طرف  سے اطمینان  تھا اور  مجھے  کوئی   پریشانی نہیں تھی ۔۔۔‘‘(۱۰)

مصنف   اور  ترتیب  کا ر دونوں  ہی نے اس  مسئلہ  پر  کچھ  نہیں  لکھا ہے  بلکہ  اکثر  وہ  یادداشتیں  اور کتابیں   جو  مشہد  کی  فوجی   تاریخ  کے سلسلہ میں  لکھی  گئی  ہیں  ان میں   انقلاب  کے   واقعات  کا  بہت  زیادہ نمایاں طور  پر  تذکرہ نہیں  کیا گیا ہے ۔ایسا  لگتا ہے   کہ  اگر ایک    زبانی  تاریخ میں   انقلاب کے موضوع  سے  متعلق منظم   انٹرویو لئے جاتے تو یقینا اس سلسلہ میں  اہم   نظریات اور یادداشتیں  حاصل  ہوسکتی  تھیں ۔

میجر  جرنل  دیلمقانی کی   یادداشت  کی  تحریر کے زمانہ کا دائرہ  ان   کی ولادت سے  لیکر  بہمن  ۱۳۹۲  میں شمالی  مشرقی ہیڈ کوارٹر  کے   کمانڈر    بریگئڈئر  جہان شاہی   سے  ملاقات تک ہے ۔اور خواجہ   علی   جوان نقاش  مشہدی ،مدرسوں  کی تعمیرات  کی  فعالتیں  ،حج سے   مشرف  ہونے، فوجی   ہسپتالوں کے دورے،یادداشت  شائع کرنے کا  فیصلہ ،اور کتاب کی  تنقید  کے جلسہ میں   شرکت   کرنا  وغیرہ ایسی  یادداشتیں  ہیں   جو  طبع   ہونے سے قبل   اصلی   متن میں    موجود  نہیں  تھیں ۔اور ان  باتوں  کو   ترتیب  کار  نے اضاٖفہ کروایا ہے ۔اگرچہ  کوشش کی گئی  ہے کہ  ان یادداشتوں  کو  تاریخی  لحاظ سے   ترتیب دیا  جائے لیکن    مختلف موارد پر  ترتیب میں الٹ پھیر دیکھنےکو   ملتاہے ۔سنندج   منتقل  ہونے کا واقعہ  شہریور  ۱۳۲۸ کا ہے  جبکہ  اسے ۱۳۳۴ کے  بعد  کے واقعات  میں لکھا گیا ہے ۔(۱۱)لشکر نامہ کے آخری  صفحات    میجر جرنل   دیلمقانی کے  خدمات  اوران کی   زندگی  کی  تصاویر  سے  مختص ہیں ۔رامین نژاد صاحب   نے کوشش کی ہے کہ متن اور  عبارت کی ترتیب  کے مطابق   ان تصاویر  کوکتاب  کے آخر  میں  لایا جائے۔

کتاب  لشکر  نامہ   درحقیقت فوج میں       میجرجرنل   محمد  دیلمقانی  کی ۳۷ سالہ   خدمات  کی  رپورٹ ہے کتاب کے موضوعات    ۸۸ فہرستوں   پر  مشتمل  ہیں اور  تاریخ وار    مندرجہ  ذیل   عناوین کے تحت  بیان کئے گئے ہیں :

نیاکان من در آذربایجان، مهاجرت بہ مشهد، تولد، سفر بہ مکہ، شفا، دیدن احمدشاه قاجار، تحصیلات، دیدن شیخ بهلول، واقعہ مسجد گوهرشاد، دوران دبیرستان، دبیریستان نظام مشهد، دانشکده افسری، شهریور1320، کشتہ شدن سرتیپ شهاب، خدمت در پادگان عشرت آباد، ماجرای من و رضا جوجو، برق سربازخانہ مشهد، تکمیل بیمارستان لشکر، تاسیس معدن سرب در اخلمد، شورش افسران حزب توده، مستشاران آمریکایی، انتقال بہ سنندج، اختلاف سپهبد کمال و سرلشکر دادور، تجدید بنای آرمگاه نادرشاه، توسعہ اطراف ضریح امام رضا (ع)، ریاست اداره نظام وظیفہ بیرجند، ماجرای محمد شمشیر در بلوچستان، زلزلہ در جنوب خراسان، حضور آیت‌الله ‌‌مطهری در بین زلزلہ زدگان، بازدید شاه از مناطق زلزلہ زده، ارتقا بہ درجہ سرلشکری، ماموریت ظفار، موج ترورها در تهران، بازنشستگی، تاسیس شرکت تجاری، وقایع دوران انقلاب اسلامی، مسافرت بہ کانادا، پیگیری اخبار جنگ وغیرہ...

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۱۔رامین  نژاد  فوجی   تاریخ   کے محقق  ہیں  اور  انہوں  اب تک خراسان کی  فوجی تاریخ  سے  متعلق    بہت  سے  اہم   کتابیں شائع کی  ہیں ۔وہ  ۱۳۵۲ میں  سبزوار کے   اطراف  کے ایک علاقہ میں  پیدا ہوئے ۔۱۳۶۸ سے   فوجی     خدمات   انجام دینا  شروع کی اور  ۱۳۸۰ میں   دانشگاہ  فردوسی  سے  تاریخ  اسلام  کےموضوع  سے گریجوئیشن کیا ۔’’بنیاد   پژہش ہا ی  اسلامی ‘‘اسلامی   تحقیقی  مرکز  کے ساتھ    تعاون  اور  خورشید  رسالہ  کے اڈیٹر کے فرائض  ان کی دیگر  فعالیتیں  ہیں ۔اس  محقق  نے اب تک  اسناد و دستنوشتہ ہای قرآنی منسوب بہ معصومین علیهم‌السلام، مزار پیامبران، تاریخ پرستاری خراسان، یکصد سال طب نظامی در خراسان، تاریخ لشکر خراسان وغیرہ جیسی کتابیں   شائع کی ہیں۔

۲۔ رامین نژاد، رامین. لشکرنامہ خاطرات سرلشکر محمد دیلمقانی. مشهد. آهنگ قلم. 1393، ص205     

۳۔ طبع  ہونے  سے  پہلے میجر  جنرل  دیلمقانی کی  یادداشت کا  کچھ  حصہ  ۔ص  ۱۶

۴۔ رامین نژاد، رامین. لشکرنامہ خاطرات سرلشکر محمد دیلمقانی، ص19

۵۔ طبع  ہونے  سے  پہلے میجر  جنرل  دیلمقانی کی  یادداشت کا  کچھ  حصہ  ۔ص  ۳۸

۶۔ رامین نژاد، رامین. لشکرنامه، ص25
 ۷۔ نتیجۃ    طے پایا کہ   ہم  اس  کیپٹن کے ساتھ   مسجد میں  جائیں  اور  ان  لاشوں  کےدرمیان سے اپنے  چچا کی لاش کو   تلاش کریں ۔جب  میں   مسجد میں  داخل ہوا  تو  تقریبا  ۲۲ جنازے  اب بھی  مسجد کے صحن میں  پڑے ہوئے تھے۔میں  نےسنا  تھا کہ  تقریبا ۹۰ لوگوں  کو مارا گیا تھا اور  انہیں   دو  ٹرکوں میں  بھر  کر  لے جایا گیا تھا ۔اگرچہ   بعض لوگ مبالغہ  کررہے تھے اور  کہرہے تھے کہ  تقریبا  ۱۰ ہزار لوگوں کو  مارا گیا ہے ۔ص ۲۶۔

۸۔ رامین نژاد، رامین. لشکرنامہ. ص29
۹ - گذشتہ، ص131
۱۰ - گذشتہ ص185
۱۱ - گذشتہ ص84