عراق کی یادداشتیں

محمود فاضلی
مترجم: جون عابدی

2015-9-2


کتا ب  ’’یادداشتہائے عراق ‘‘ کو  معروف اور نوبل  انعام  یافتہ مشہور مصنف ماریو ورگس لیوسا  (Jorge Mario Pedro Vargas Llosa) کے عراق کے سلسلہ میں عینی مشاہدات کی بنیاد پر لکھا گیا ہے ۔ اس کتاب کے مطالب عراق پر اتحادی فوج کے حملہ  اور  اس  کے  سلوک کے سلسلہ میں   دستاویزات کو  شامل ہے ۔اس  کتاب  کے قارئین    کو ،عراقی عوام کے صدام کی آمرانہ  حکومت سے  آزاد ی حاصل  کرنے میں کامیابی کے تجربہ سے  بخوبی آگاہی  حاصل  ہوسکتی ہے اور قارئین عراق میں رونما ہونے والے واقعات کے سلسلہ میں درست  قضاوت  کرسکتے ہیں ۔

’’ماریو ورگس یوسا ‘‘نےعراق   پر   امریکی حملہ  جو  صدام کی  حکومت  کے زوال کا  باعث بنا،  کے دوران  مختصر  مدت کے لیئے  عراق  کا سفر  کیا  تھا۔یہ  کتاب  ان  مقالات  کا مجموعہ ہے   جن کو   انہوں نے اسی  سال  ہسپانوی(اسپینش)اخبار کے لئے  لکھا تھا ۔  پیشیور   فوٹوگرافراورلندن کے اقتصادیات کالج سے  تاریخ  کے  موضوع سے   گریجوئیشن  کرنے والی انکی  بیٹی  اس  سفر  پر  ان  کے ساتھ تھی۔اس  کی  لی   ہوئی کچھ تصویریں   بھی  اس  کتاب میں  شائع ہوئی  ہیں ۔

اس کتاب میں ایک   جگہ  آیا ہے:’’عراق  دنیا کا  ایک آزاد  ملک   ہے  ۔لیکن چونکہ  قاعدہ  اور  قانون کے بغیر  آزادی  عام  زندگی کے لئے  ہرج ومرج کا  باعث   بن جاتی ہے  اس  لحاظ سے یہ دنیا کا  ایک  بہت  ہی خظرناک ملک  بھی ہے ۔نہ  در آمد اور  برآمد  پر کوئی   محصول  اور کسٹم ہے  اور  نہ کسٹم لینے  والے۔’’موقت   اتحادی  حکومت ‘‘ کے  سربراہ   ’’پال  برمر ‘‘نے باہر   سے  ملک  میں   وارد   ہونے  والے  تما  م  اموال  پر سے  ٹیکس   اٹھا لیا ہے ۔۔۔‘‘۔

مصنف  نے عراق کے اپنے اس   سفر  کے  مقصد کے سلسلہ میں   یوں لکھاہے ’’اس  سفر میں میری کوشش  رہی ہےکہ   پریشان حال  اور مقبوضہ   ملک عراق کی   عوام کے مذہبی ،ثقافتی اور  نسلی   عقائد  کے  سلسلہ میں  تجزئیہ کروں ۔میں   جاننا  چاہتا تھا  کہ یہ حملہ  دنیا   کی آزادی   کی ثقافت   پر  کس قدر اثرانداز  ہوا ہے۔اور  عراق  کے سابق  صدر  صدام حسین  کی زندگی   کے بارے  میں  دسیوں  کتابیں  تلاش کرنے کے   بعدپہلی   بار  مجھے ایک  ناول  میں  اس کے سورما  ہونے کا  تذکرہ  ملا۔‘‘


کتا ب  یادداشتہای  عراق   میں  اس  ملک    کی  مذہبی اور سیاسی ہستیوں اور  ان  افراد   سے جو  صدا م کی  حکومت   گرنے  بعد  اس کے  چنگل  سے آزاد  ہوئے تھے ،کے ساتھ  گفتگو  کو   بیان  کیا گیا ہے ۔ایسی آزادی   جو  قاعدہ و قانون کے بغیر ہے اور جس کے نتیجہ  میں  معاشرہ   ہرج ومرج میں   مبتلا ہوگیا ہے ۔

یہ  کتا ب در حقیقت  ایک ایسے  ملک  کے حالات  کے بارے میں   ہے  جہاں  کا  حاکم ایک  ذہنی  مریض  شخص  تھا   جس کا  زوال   بہت  ہی   ابتر حالات میں ہوا تھا ۔یہ  کتاب   ان بعض   مقالات  کے  مجموعہ  پر  مشتمل جنہیں  لیئوسا  نے دنیا  کےمعتبر   بین الاقوامی   اخبارات میں شائع کروایا تھا ۔یہ  کتاب  صرف  دنیا کے ایک  مشہور  مصنف   کا  ایک   مصیبت زدہ  ملک کے دورےکا  بیان  نہیں  ہے بلکہ  ایک  سیاسی شخصیت کی   تحلیل  ہے  جس کے  ذریعہ   اس  ملک  اور اس کی  عوام پر اتحادی   افواج  کے حملہ کے اثرات   کاا ندازہ لگانے   کی  کوشش کی  گئی ہے ۔

بہر حال    مجموعی   طور   پر   لئوسا   صدام کو    ہٹانے کےلئے  اتحادی ا فوا ج کے حملہ  کے موافق ہیں  ۔اگر چہ  اس سفر سے  پہلے  موافق نہیں   تھے۔ان کی  نگا ہ  میں صدام  کو  ہٹانے کی  وجہ  اس  کا  دیوانہ   پن  اور  ایک  خوں ریز ملک   میں  بہترین  شہری  معاشرے کا  تشکیل   نہ پانا ہے۔

لئوسا  نے  زیادہ  تر ان  عام  لوگوں  سے  گفتگو  کی   جو  صدام   کی  حکومت کے  گرنے کے  بعد  پیدا  ہونے  والی  مشکلات(پانی کی  کمی،معاشرتی  تحفظ کا  فقدان،بجلی  کی کٹوتی،بم دھماکے،قتل وغارت۔۔۔۔)کے باوجود  صدا م کے  بعد  کی  زندگی  کو  زیادہ پسند کرتے  ہیں ۔اور  کہتے  ہیں    یہ  زندگی  اس  دیوانے حکمران  کے تحت تسلط اور قرون وسطیٰ  کے زمانے کی کمزور حکومت کے تحفظ سے بہتر ہے ۔

یہ  کتاب   اس  لئے بھی  قابل   مطالعہ   ہے   کہ اس میں  اس ان  بھیانک حادثات  جن   کے اثرات  اب تک   علاقہ میں موجود ہیں ،  کے سلسلہ میں  اس   مشہور  سیاسی مصنف  کے نظریات کو  بیان کیا   گیا ہے  ۔اس  پیروئی ۔ہسپانیائی   مصنف  کی  اس کتاب  نے  ۲۱۱۰ ع میں   نوبل   انعام   بھی حاصل  کیا تھا ۔اور اس میں     صدام  کی حکومت  کے زوال کا  سبب بن نے  والے  امریکی  حملہ   کے  سلسلہ میں  بہت   ہی  اہم اور  دلچسپ نکات  کا   کو بیان  کیا گیا  ہے۔

ورگس  لئوسا نے  ۲۰۰۳ ع میں  عراق   پر حملہ کے  سخت  حالات کے دوران  اس   ملک کا  سفر  کیا  تھا۔تاکہ یہ دیکھ  سکے  کہ  کس  طرح  وہاں  کی مظلوم  عوام  کو  ڈکٹیٹر  صدام  نے اپنے ظلم    تلے  پیس  دیاتھا۔ عراق   کے   بابل  کی   مصیبت زدہ   زمین  کے مشاہدات کو  لئوسا  نے  یوروپ   پلٹنے کے   بعد اپنے محبوب اور  ہمیشہ   پڑھنے والے  اخبار  ’’ال  پائیس‘‘میں ’’عراق کی  یادداشت‘‘ کے عنوان سے  شائع کروایا ۔  اگرچہ    ان  یادداشتوں کے  چھپنے کے   بعد  شدید  رد عمل  کا  اظہار کیا  گیا  لیکن  مصنف   کا نقطہ   نظر  سب  کے لئے   چیلنج بنا  رہا ۔

لئوسا  نے  اگرچہ   ابتدا   میں  روشن  فکری  کی  بنیاد  پر جنگ  کی مخالفت  کی تھی  لیکن   کتاب کے مطالعہ  اور  یادداشت  کے مطالعہ سے  پتہ  چلتا  ہے کہ  عراق  کے حالات کو دیکھنے   اور تازہ  تازہ   ڈکٹیٹر  کے  چنگل سے  آزاد  ہونے والی  عوام کو  دیکھنے  بعد    ان کا نظریہ   تبدیل  ہوگیا  تھا۔

وہ  لکھتےہیں :’’اگر  کوئی  غور سے  اس کتا ب کو   پڑھے   گا  تو  سمجھ  جائیگا    کہ عراق میں  امریکہ  اور  برطانیہ کی فوجی   مداخلت  کی مخالفت   کے  سلسلہ میں میرا  نظریہ  اگرچہ  مکمل  طور  پر تبدیل   تو نہین   ہوا لیکن   معتدل ضرور  ہوگیا ہے  ۔۔۔میں   اب   بھی   معتقد ہوں  کہ عراق   پرفوجی  کاروائی  کی  توجیہ کے لئے  صدام کے  پاس   قتل   عام   کرنے  والے  ہتھیار ہونے ، اس  کا ’’القاعدہ ‘‘کے ساتھ تعلقات اور    گیارہ  ستمبر کے  قتل  عام میں ملوث   ہونے  جیسے   بہانے  تراشنا    امریکہ کی بہت بڑی غلطی تھی ۔۔۔ کیونکہ صدام  جیسے سفاک  ،بےرحم  ،فاسد اور  ذہنی  مریض اور  جدید  زمانہ کے    ڈکٹیٹر کو    نابود کرنے  کے لیے  ان  بہانوں کی ضرورت ہی  نہیں تھی۔بلکہ  اس کا  یہ  فاسد  وجود ہی کافی تھا۔۔۔‘‘(۲)

(فارسی)مترجم  اس  یادداشت کو حاصل کرنےاور  اس کے ترجمہ  کے سلسلہ میں  یوں  وضاحت کرتے ہیں :’’عراق   پر  امریکہ کے  حملہ  کے دوران میں  وزارت  ہدایت  (اسلامی ) کی  طرف سےبیرونی   ذرائع   ابلاغ کے   ترجمہ  کا    انچارج  تھا  اس  زمانہ میں   میں نے ان  مقالات کو’’   ال پائیس ‘‘  اخبار میں   دیکھا تھا اور ان  کا  ترجمہ  کر ڈالا ۔اس دوران لئوسا  نے  جس  نقطہ   نظر   کو  اپنایا  تھا   وہ مجھے بہت پسند آیا تھا  اور  میرے لئے   بہت  دلچسپی  کی   با ت تھی  کہ  اس سلسلہ میں   لاطینی  امریکہ  کے اس  بے طرف  مصنف   کے نظریات کو  پڑھو  ں اور سمجھوں ۔‘‘کچھ  سالوں  کے بعد  مترجم کو  انٹر نٹ  کے  ذریعہ پتہ   چلا  کہ  مصنف  نے ان یادداشتوں  کو  کتا بی   شکل میں شائع  کیا ہے  تو   انہوں نے  فوارا  ً اس  کا  بھی   ترجمہ   کرنا   ڈالا۔

مترجم   لئوسا کے    عراق کے سفر کے مقصد  کے بارےمیں   لکھتے ہین :’’اس  زمانہ  میں  لئوسا کی  بیٹی  بین   الاقوامی  قونسل  کے  ایک وفد کے  ساتھ  عرا ق  گئی  ہوئی  تھی ۔اور دوسری  طرف  سے  مصنف   کے  ذاتی  تجسس نےبھی   ان کو  احتمالا اس  سفر   پر  مجبور   کردیا  تھا ۔کیوں کہ   وہ خود  کہتے   ہیں   کہ  میں دور سے بیٹھ  کر  ان   واقعات  کے  سلسلہ میں   صحیح  فیصلہ  نہیں   کرسکتا ہوں ۔یہی  وجہ  ہے کہ وہ   وہاں جاتے  ہیں  اور  نزدیک سے ان کی  مشکلات کا مشاہدہ کرتے ہیں اور دیکھتےہیں کہ   صدام کی آمری   حکومت    نےاس  ملک  کی عوام  پر کیا  کیا  ظلم ڈھائے    ہیں اسی  بنا  پروہ کہتے  ہیں  کہ  ایک  ملک کی  عوام  پر    کس  کوحکومت   کرنا چاہئے ،   پہلےمرحلہ میں یہ  فیصلہ  کرنےکا حق  اس ملک   کی عوام  کا  ہے ۔ لیکن   اگر  ایک  ڈکٹیٹر  اس ملک   کی   عوام  پر  اس طرح  مسلط  ہوجائے   کہ  وہ حرکت بھی  نہ کرسکیں  تو  پھر اس  صورت میں  جغرافیائی   دائرے  سے  باہر  کے ملک کواس  ملک میں  حالات   بہتر کرنے کے  لئے مداخلتکرنی پڑیگی ۔(۳)

مترجم اس   کتاب کے     نشر   ہونے کے بعد   اس کے رد عمل کے سلسلہ میں     یوں  بیا ن کرتے  ہیں :’’یہ  معلوم  ہونے کے  بعد کہ  یہ مقالات  کتابی شکل میں    بھی شائع   ہوچکے  ہیں    ،میں  یہ تلاش کرنے میں لگ  گیا  کہ  اس  کہ  سلسلہ میں   لوگوں   نے کس طرح   تائیید کا  اظہار کیا  ہے۔ مجھے  بہت   تعجب ہوا جب میں  نے دیکھا کہ  اگرچہ لاطینی   امریکہ   کے روشن  فکر افراد کی  جانب سے  تو  ان  یادداشتوں کا  خیرمقدم   کیا   گیا ہے  لیکن   وہا  ں   کےسیاسی   افراد  اس کو   دیکھ    کر  بھڑک اٹھے ہیں ۔شاید  یہی   وجہ  ہے کہ   اس   کتاب  کی  دوبارہ  چھپنے کی    نوبت نہیں  آئی  اور   جب میں  نے اس  کو بازرا میں تلاش  کیا  تو وہا ں  پر بھی   موجود نہیں تھی۔‘‘
لئوسا کی   یادداشت  اگرچہ   ایک دہائی    پہلے   کی  ہیں  لیکن   وہ  واقعات  جو  ۲۰۰۳ میں  عراق  میں   رونما   ہوئے   ان  کی  وجہ  سے   پورا مشرق وسطیٰ  کا علاقہ متاثر ہوگیا   ہے ۔خود   مصنف  کے  کے بقول یہ    یادداشت   قارئین کے  لئے  عراق میں رونما   ہونے  والے  واقعات کے سلسلہ میں واضح  منظر  پیش  کرنے میں  مددگار   ثابت  ہوگی۔مصنف کا خیا ل   ہے :’’مجھے   امید  ہے کہ  بعثیوں کی آمرانہ حکومت   کےچنگل  سالم  بچ  جانے  والی  عراقی   عوام   کی روز مرہ کی   زندگی کے  تجربہ سے متعلق   یہ رپورٹ  ان لوگوں کے کے لئے جو  ان حالات کے  سلسلہ میں    شرائط  وحالات  کے  رد عمل اور  دقیانوسی   سیاسی   تصورات کے بغیریقینی  اور صحیح   فیصلہ  کرنا  چاہتے ہیں،مددگار   ہوسکتی   ہے ۔ تاکہ  یہ سمجھ میں  آسکے کہ  عرا قی  عوام کے لئے  صدام  کی حکومت  کی سرنگونی   کتنی ضروری  تھی ۔‘‘

 

 



1۱۔ ماریو ور گس لیوسا  (Jorge Mario Pedro Vargas Llosa) لاطینی   امریکہ کے  مشہور  داستان نویس ،مضمون  نگار ،سیاستمدار اور  صحافی ہیں  جو  ۲۸ مارچ  ۱۹۳۶ کو’’ پیرو‘‘  میں پیدا  ہوئے۔لئوسا جوانی  کی ابتدا  میں  ہی   کیوبا   کے   انقلا ب کے رہبر   فیڈرل  کاسٹرو کی  شخصیت سے  متاثر  ہوگئے۔لیکن  کچھ ہی مدت کے  بعد  انہوں    شدت پسند   بائیں  جماعت کی   تحریک  سے   جدائی   کا  اعلان کردیا۔اور  کاسٹرو پر  شدید   اعتراضات ا ور  تنقیدیں  کیں ۔۱۹۸۸ میں    چند  داہنی    جماعت کی   پارٹیوں  کے ساتھ  ملکر ’’ تحریک آزادی ‘‘ میں  شرکت  کی ۔۱۹۹۰ میں  پیروکے  صدارتی  انتخابات کے  لئے  امید واری پیش کی لیکن   اپنے  رقیب   ’’آلبرٹو  فوجیموری‘‘سے  شکست  کھانے   کے بعد   تمام  سیاسی   سرگرمیوں   پروگراموں   سے  کنارہ  گیری  اختیار کرلی۔ ۲۰۰۳ میں   صدام کی حکومت کی سرنگونی   کے بعد   لئوسا   پہلے   ایسے   مصنف تھے جنہوں  نے عراق کا  سفر کیا اور  وہاں کے سلسلہ میں رپورٹ لکھیں   اور اس کو  کتابی شکل میں   شائع  کیا ۔یہ  یادداشتیں   پہلی بار سلسلہ  وار   رپورٹ کے   طور  پر  ’’ال پائیس‘‘ نامی  اخبار میں شائع ہوئی تھیں ۔اس کے بعد  متعدد  انگریزی  اخبارات  نے  بھی  ان  یادداشتوں  کے کچھ  حصوں  کو    چھاپا  تھا ۔لیکن  کوئی  انگریز   ی اخبار   لئوسا کی  پوری   یادداشت  اور  ان کے مشاہدات کو   شائع  کو   کرنے  کے لئے تیار نہ ہوا ۔۲۰۰۴ میں   انہوں نے  اپنے گذشتہ  نظریہ کی اصلاح کی اور  عراق  پر  امریکی   حملہ کو ’’بین الاقوامی  قوانین کی  خلاف ورزی ‘‘ بتایا۔


2- شرح سرنگونی صدام به روایت برنده نوبل ادبیات، خبر آنلاین، 16 دی 1393.
3- همان.



 
صارفین کی تعداد: 4176


آپ کا پیغام

 
نام:
ای میل:
پیغام:
 

خواتین کے دو الگ رُخ

ایک دن جب اسکی طبیعت کافی خراب تھی اسے اسپتال منتقل کیا گیا اور السر کے علاج کے لئے اسکے پیٹ کا الٹراساؤنڈ کیا گیا۔ پتہ چلا کہ اسنے مختلف طرح کے کلپ، بال پن اور اسی طرح کی دوسری چیزیں خودکشی کرنے کی غرض سے کھا رکھی ہیں
حجت الاسلام والمسلمین جناب سید محمد جواد ہاشمی کی ڈائری سے

"1987 میں حج کا خونی واقعہ"

دراصل مسعود کو خواب میں دیکھا، مجھے سے کہنے لگا: "ماں آج مکہ میں اس طرح کا خونی واقعہ پیش آیا ہے۔ کئی ایرانی شہید اور کئی زخمی ہوے ہین۔ آقا پیشوائی بھی مرتے مرتے بچے ہیں

ساواکی افراد کے ساتھ سفر!

اگلے دن صبح دوبارہ پیغام آیا کہ ہمارے باہر جانے کی رضایت دیدی گئی ہے اور میں پاسپورٹ حاصل کرنے کیلئے اقدام کرسکتا ہوں۔ اس وقت مجھے وہاں پر پتہ چلا کہ میں تو ۱۹۶۳ کے بعد سے ممنوع الخروج تھا۔

شدت پسند علماء کا فوج سے رویہ!

کسی ایسے شخص کے حکم کے منتظر ہیں جس کے بارے میں ہمیں نہیں معلوم تھا کون اور کہاں ہے ، اور اسکے ایک حکم پر پوری بٹالین کا قتل عام ہونا تھا۔ پوری بیرک نامعلوم اور غیر فوجی عناصر کے ہاتھوں میں تھی جن کے بارے میں کچھ بھی معلوم نہیں تھا کہ وہ کون لوگ ہیں اور کہاں سے آرڈر لے رہے ہیں۔
یادوں بھری رات کا ۲۹۸ واں پروگرام

مدافعین حرم،دفاع مقدس کے سپاہیوں کی طرح

دفاع مقدس سے متعلق یادوں بھری رات کا ۲۹۸ واں پروگرام، مزاحمتی ادب و ثقافت کے تحقیقاتی مرکز کی کوششوں سے، جمعرات کی شام، ۲۷ دسمبر ۲۰۱۸ء کو آرٹ شعبے کے سورہ ہال میں منعقد ہوا ۔ اگلا پروگرام ۲۴ جنوری کو منعقد ہوگا۔