کتاب "راہنمای تحقیق مصاحبہ‌ای، زمینہ و روش"

جواد بهروزفخر

2015-8-23

زبانی تاریخ نے ایک جدید طرز  عمل کے عنوان سے  مقبولیت حاصل  کرلی ہے یہ مختلف علوم کے مضامین  کے  درمیان  ایک  مشترکہ موضوع کی  صورت میں سامنے آیا اور  علم  سماجیات، بشریات، علم النفس، ہنر اور عام ادب  اور بالخصوص تاریخی تحقیقات اور تاریخ نویسی کے میدان میں اس طرز عمل نے ایک خاص مقام حاصل کرلیا ہے۔

زبانی تاریخ  میں انٹریو کو اس کےطرز عمل کی بنیاد اور سب سے اہم  رکن کے طور  پر جانا جاتا ہے۔ رتبے کے  لحاظ سے  انٹریو کا درجہ زبانی تاریخ  سے پہلے ہوتا ہے کیونکہ یہی امر  زبانی  تاریخ کو  وجود اور موضوعیت بخشتا  ہے۔ اور  بغیر انٹر ویو کے زبانی تاریخ کا وجود قابل تصور ہی نہیں ہوسکتاہے۔ درواقع زبانی تاریخ  کو  بہتر طور پر سمجھنے  کے لئے انٹرویو اور اس سے متعلق مسائل  پرمزید  غور و خوض  کرنا  لازمی امر ہے ۔اور اس بات سے انکار نہیں کیا جاسکتا ہے ’’زبانی تاریخ  کا سب سے پہلا جوہر  انٹرویو ہے‘‘۔ چنانچہ لازمی سی بات ہے کہ زبانی  تاریخ  کو  سمجھنے اور  سمجھانے کے لئے پہلے اس  کی سب سے اہم بنیاد  انٹرویوکو  سمجھنا  اور سمجھانا  ضروری ہے۔ اسی وجہ سے زبانی تاریخ کے سلسلے میں  انٹرویوز کے  موضوع پر  خاص توجہ دی جاتی ہے اور زبانی تاریخ میں تحقیق کرنے والے افراد کے لئے  اسکے اصول اور اس سے مربوط مسائل سے  آشنائی لازم ہوجاتی ہے۔ لھٰذا زبانی تاریخ کی بنیاد   انٹرویو کے سلسلے میں گہری اور عمیق اطلاعات حاصل کرنے کے لئے ایرانی اور مقامی  ۱،(۱) تحقیقاتی ماخذوں کے  علاوہ اس فن کے ماہرین کے نظریات اور  انکے تجربوں سے استفادہ کرنا بھی ضروری ہے۔ اس لحاظ  سے اس سلسلے میں ان حضرات کے جدید نظریات  اور علمی   کاوشوں  سے متعلق  ماخذوں سے  آشنائی  ہمارے  لئے بہترین راہنما ثابت ہوگی۔

تین  جلدوں پر مشتمل  کتاب"راهنمای تحقیق مصاحبه‌ای، زمیںه و روش" ، Handbook of Interview Research: Context and Method کا  ترجمہ  ہے ۔ جو  ۲۰۰۲  ع میں   جابر۔اف گوبریوم۲ اور  جیمز  اے،ہولشٹائن   کے   ذریعہ لکھی   گئی  تھی ۔یہ  کتاب ایک   بہت   ہی  اہم  ماخذ ہے جس میں   انٹرویوکے  طریقہ  کے سلسلہ میں  بہت   جامع   اور خاص   طرز سے گفتگو  کی گئی  ہے۔یہ  کتاب امام محمد باقرعلیہ السلام   کالج کے ریسرچ  سینٹر  کے  ذریعے  ترجمہ    کی گئی اور   ۱۳۸۴ش  میں اسی  کالج  کی پریس  سے  پہلی بار  اور ۱۳۸۷ میں   دوسری بار   شائع ہوئی  تھی۔ اس کے ایک  ہزار نسخے ہر جلد کی  ۳۰۰۰۰ ریال قیمت کے ساتھ بازار  میں    آئےتھے ۔ اس کتاب کی جلد پر مترجم کام نام اور کتاب کے توثیق نامے  کا شمارہ  نہیں  لکھا گیا ہے ۔جیسا کہ عام طور پر ترجمہ  شدہ کتابوں میں ان کی ابتدا ہی  میں اس کے  مترجم  کے بارے میں وضاحت کی  جاتی ہے اس  کتاب   میں اس  طرز  عمل  کو نہیں اپنایا گیا ہے ۔ایسا  لگتا ہے تنظیمی  تحفظات کے خاطر  ایسا  کیاگیا ہو گا ۔ لیکن افسوس کہ ناشر  کی   طرف  سے  اس  کی  تبلیغ،مترجم  کے   غیر معروف  ہونے  اور  محدود   نسخے ہونے کی  وجہ  سے انٹرویوں  اور زبانی  تاریخ سے  متعلق کتابوں کی  طباعت کے  میدان میں اس کتاب  کو  کوئی خاص توجہ نہیں مل سکی  ۔یہ  تین  جلد کتابیں   ۱۶۸۰ صفحات  پر مشتمل ہیں  اور اس میں ایرانی ناشر کے مقدمہ کے  علاوہ  اس کتاب کے  مصنفین   کی  پیش گفتار اور  ایک  مقدمہ ہے اس کے  چھ اصلی حصہ  ہیں   جو   ۴۴ فصلوں  پر  مشتمل ہیں ۔در واقع کتاب کی ہر فصل   میں  انٹرویو کے میدان ،طرز عمل ،مسائل  اور اس کے  موضوعات سے  مربوط  ایک  مخصوص  مضمون کو  پیش کیا گیاہے ۔

ایرانی   ناشر  اپنے مقدمہ   میں  اس  کتاب  کے تعارف میں یوں  کہتے ہیں :’’مجموعی  طور  پر  انٹرویو اپنی  ضابطہ بندی اور مختلف  طریقہ  کار کے ساتھ  ،علم کی  تاریخ  میں   شناخت کی  بنیادی   طرز ،مفکرین کے نظریات  کو   سمجھنے،اور اطلاعات  کو  جمع کرنے  کا  نام ہے ۔علمی   شاخوں  کی  توسیع ،  بالخصوص  سماجی   علوم  کی  تحقیقات  میں   معیاری  طریقہ  کار کی   اہمیت   کے بڑھنے  کی وجہ سے  انٹرویونے   اطلاعات حاصل کرنے   کے ایک   اہم   طریقہ  کار کے عنوان سے  محققین  کی  توجہات کو  اپنی   طرٖ ف  مبذول  کرایا۔

علوم کے   مختلف  شعبوں  میں    انٹرویوکا کثیر  استعمال تدریجی طور   پر  علمیاتی اور  طریقیاتی  مسائل  کو   بیان کرنے  کا   سبب بنا اور  ابتدا میں  طریقہ  کا ر  کی  خصوصیت ،انٹرویو کرنے کے اصول  بیان کرنااور  پھر اس کے   بعد  تجزئہ  و تحلیل  اور   مواد اور  تفسیر کو  سمجھنا  وغیرہ  انٹرویو کے   نتائج میں  سے ہیں ۔۔۔ اس کتاب  کو انٹرویو کے   علمیاتی  نظریہ  اور طرز  عمل  میں   بعض  بنیادی  دتبدیلیوں  کا  ماحصل   کہا جاسکتا ہے ۔جو خود  تما  م  علمی  میدانوں میں   ایک  وسیع   تبدیلی  کا نتیجہ ہے ۔یہ   کتاب  ’’راہنمای  تحقیق  مصاحبہ ای‘‘ایک   جامع دائراۃ  المعارف کی شکل میں  ۴۴  مضامیں کو شامل ہے  جو   مقدمہ اور   ۶ اصلی   حصوں کے  علاوہ   ۷  فصلوں  میں   بیان کی گئی ہے ۔

یہ  انٹرویوکے سلسلہ میں  ایک  اہم   دائرۃ المعارف کی حیثیت  رکھتی ہے ، جسمیں انٹرویو کے  تفصیلی  پہلؤوں ،اس کے انجام دئنے  کے  مسائل ،  طرز عمل   اور  اس کے تجزئیاتی اور  نظریاتی  ضوابط کو  بیان  کیا گیا ہے ۔اور یہ  کتاب   میدانی   معائینہ کرنے   والے  محققین ،ماہرین اور انٹر  ویوکرنے والے  افراد  کے لیے   بہترین  رہمنا   ثابت  ہوسکتی ہے۔اور  اس کتاب کی جامعیت کے  پیش نظر  اپنے    شغلی اور علمی  دونوں   ضرورتوں  کے  لحاط سے  اس   کتاب  سے فائدہ  حاصل کیا جاسکتا ہے ۔‘‘

فارسی  زبان میں اس  میدان  میں  بہتر اور منظم ماخذوں  کی  کمی   کی وجہ سے  یہ  تین   جلدکتابیں   جو  دائرۃ  المعارف کی  خصوصیت کی حامل ہیں  ،انٹرویوں  کرنے والے اور زبانی   کام  کرنے  والے  افراد کے لئے   بہترین  اور  ماخذ  اور  راہنما ہوسکتی ہیں ۔اسی  وجہ  سے اس  اہم  کتاب کا   دوبارہ  تعارف  کرائے جانے کی ضرورت  محسوس  کی گئی ۔کتاب کی فصلوں  کو ناشر کے  مقدمہ  میں   اس طرح   پڑھتے  ہیں :’’کتاب ک کے  مقدمہ میں  دوفصلوں میں   انٹرویو کی تاریخ  اس کے عام اور  ابتدائی  مسائل کو  بیان کیا گیا ہے ۔اور  نظریاتی   تبدیلیا ں اور انٹریو کے میدان میں  سماجیات اور  لسانیات  سے  متعلق  جدید  مسائل کو  بیان کو  کیا گیا ہےاس    فصل  میں  یہ  نظریہ   بیان کیا  گیا  ہے کہ  موجودہ  دور میں  انٹرویو کو  صرف   اطلاعات جمع کرنے   کا  ذریعہ نہیںشمار کیا جاسکتا ہے ۔بلکہ انٹرویو   ایک  سماجی  حقیقت کے عنوان کےسے   ذاتی  اور  سماجی   زندگی کے  امور اور جدید  معاشرے  کے  تمام   امور  کو  منظم کو  کرنے ،معنی  اور مفاہیم کو   ترتیب دینے،باتوں  کی  وضاحت اور نظریات اور   عقائد  کی   توجیہات میں    بہترین   کردار  ادا  کرتا ہے۔

کتاب کی  پہلی فصل     انٹرویو کی شکل   کے   عنوان  سے  ہے جو  ۶ مضامین کو  شامل ہے   اور،مفکرین  کے  ذریعہ   بیان  کئے  گئے    انٹرویو کے  مختلف  پہلؤوں   کو    بیان کرتی ہے ۔درواقع   اس   فصل میں   انٹرویوں   کرنے  کی کیفیت  اورانٹرویو   کرنے  والا   کس طرح   اس کو آگے  بڑھائے  اس  طریقہ کو  بیان کیا   گیا ہے ۔اور  اس   فصل کے آخر میں  ما بعد  جدیدیت  کے  رجحانات کو  بیان کرتے ہوئے انٹر ویو کے سلسلہ میں  رائج   طریقہ کار  کا  تنقیدی   تجزئیہ  کیا گیا ہے ۔

دوسری  فصل  آٹھ مضامین پر  مشتمل ہے اور  اس میں انٹرویو  میں   جواب دینے  والوں کے ساتھ   پیش   آنے  والی  مشکلات کو مورد   تجزئیہ  قرا ر  دیا گیا ہے ۔ہر مضمون  میں  مختلف  سماجی گروہوں  مثلا بچے،مردو ں خواتین،بزرگ افراد یا خاص  قومی   گروہوں  ،ممتا  ز  افراد  ، یا مریضوں کو پر  توجہ دی  گئی ہے ۔اور  ان میں سے ہر گروہ کے ساتھ انٹرویو کے  ضوابط اور تقاضوں  اورمحققین اورانٹرویوکرنے   والے  کے لئے   ان  کی پابندی  کرنے کو بیان کیا گیا ہے ۔

تیسری  فصل   انٹرویوکے حکمرانوں کے   عنوان  سے ہے  جسمیں   زیادہ تر  پیشہ ورانہ   طریقوں و  اصولوں اور  انٹریو کی تنطیموں کے سلسلہ میں  گفتگو  کی گئی ہے اوراس میں   تعلیمی  ،دافع امراض،عدالتی اور  ثقافتی   تنظیموں میں  اس  سے  متعلق   افراد کو  نوکری کے لئے    انتخاب کرنے کے لئے    انٹرویولیئے  جانے  کے   طریقہ   کار  اور  مسائل کو   منظم کیا جاتا ہے ۔

اس   کتاب کی  چوتھی  فصل میں   انٹرویو کے   پیشہ ورانہ   مسائل ،اس  کی کیفیت ،اور کارکردگی  اور  انٹر ویوکے  دوران اس کے  مواصلاتی   وسائل  مثلا ٹیلفون  کمپیوٹر  اور  انٹرنٹ کے  درست ہونے  کے سلسلہ میں   گفتگو کی گئی ہے۔ہرمضمون  میں اس  بات  کی کوشش کی گئی  ہے کہ  ان  وسائل اور  طریقوں میں   سے ایک  کا  تجزئیہ  کیا جائے  اوراسکے  جدید  مسائل کو   انٹرویو    اور اس سے   حاصل  ہونے   والے نتائج کی تجزئیات  کو   اس سے متعلق  افراد کے لئے    بیان کیا جائے۔ان مضامین  کے نتائج   ان  سروے  اور معائنوں پر منحصر  ہیں جنہیں  انٹرویو کے سلسلہ میں باقاعدہ  تحقیقات  کرکے  اخذ  کیا  گیا ہے ۔

اس  کتاب کی ایک  فصل میں   کیسٹوں اور  دیگر جدید  وسائل  سے    انٹرویو کو  تحریر کرنے  کی  تکنیکی اور معیاری پیچیدگیوں اور مسائل کو خاص  طور  پر  بیان  کیا گیا ہے کہ  انٹرویو کے دوران  گفتگوکی   حفاظت اور  اس کے  اعتبار  کو   باقی  رکھنے کے  لئے ان امور کی رعایت   کرنا  بہت ضروری ہے ۔

اس کتاب کی پانچوین  فصل تجزئہ  اور  تحلیل  کے  طریقے ،کو  اس  کتاب اہم   فصلوں میں  سے شمار کیا جاسکتاہے ۔جس میں   بعض نظریاتی اصول ،مختلف طریقوں  سے انٹرویو کے دوران حاصل  ہونے  والی  اطلاعات کے تجزئیہ و تحلیل کے  ضعیف اور قوی نقاط ،کی  تحقیق پیش  کیگئی ہے ۔اس  فصل میں  علاقہ کا نظریاتی اورروایتی تجزئیہ زبانی تاریخ   کے تجزئیہ  کا  طریقہ اور  نسلی  جغرافیہ  سے  متعلق نظریات کو  مختلف انٹرویو کے  معیار کو  پرکھنے کا   آلہ   قرار دیا گیا ہے۔

اس کتاب کی آخری فصل میں لسانیات سے متعلق مابعد  جدیدیت کے نظریات ،انٹرویو لینے کے طریقہ، انٹرویو لینے اور  دینے  والوں کے تعلقات کے اثرانداز ہونے،سماجی اور  ثقافتی زندگی میں  انٹرویو کے مسائل کا منعکسہونا، اور انٹرویو کی اہمیت اور اس کے بہتر نتائج میں سماجی اور  اقتصادی  کرداروں  کے  مختلف  ہونے کا  تجزئیہ  کیا گیا ہے۔‘‘

کتاب "راهنمای تحقیق مصاحبه‌ای، زمیںه و روش" کی ایک خصوصیت یہ ہےکہ اس کی تیسری جلد  کے   آخر میں   اس  کتاب  کے مرتبین  کےنام اور  ان کے علمی  کارناموں  او ر اسی   طرح   ۶۱ مضامین  (۴)کے   کے  مؤلفین کے نامون کو  درج  کیا گیا ہے ۔اس کتاب کے مطالعہ کے  ذریعہ   قارئین  ان  مضامنین  کے مؤلفین  کے ناموں ،ان کی  علمی  کارکردگیوں اور انکے شغل  اور  دیگر  کتابوں کے بارے میں  اطلاعات  حاصل کرسکتے ہیں۔جلد سوم  کے آخر میں    مطالب   تک   جلدی رسائی کے لئے  موضوعی   فہرست  نے اس  کتاب  کی  اہمیت   کو   مزید   بڑھا دیاہے ۔

اور  آخر میں  یہ امیدکرتے  ہیں کہ   اس غیر معروف    علمی  اور مخصوص کتاب کا دوبارہ  تعارف  ،  اس کے   دوبارہ  طباعت،پہچان اور  واپسی کا  سبب  بنے  گا اور یہ امرزبانی   تاریخ  کے  میدان میں تحقیق کر نےوالے افراد کے لئے  استفادہ کاذریعہ   بنے گا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۱۔زبانی  تاریخ  کے  تعلیمی کیمپ اور  چوتھے    مخصوص   اجلاس میں   پیش کئے جانے  والے   مضامین  پر مشتمل   کتاب  ’’مصاحبہ  در تاریخ  شفاہی‘‘  کی طرف انٹرویو کےسلسلہ میں   مقامی۔ایرانی  تحقیقات   کے  اہم   ماخذوں  کے  لحاظ  سے اشارہ کیا جاسکتا  ہے۔ یہ کتاب    تاریخ شفاهی مرکز مطالعات و تحقیقات فرهنگ و ادب پایداری کے   توسط  سے    ترتیب پائی اور  ۱۳۸۷ میں  سورہ مہر پریس  سے شائع ہوئی۔

۲۔ Jaber F. Gubrium

۳۔ James A. Holstein

۴۔کتاب کے  بعض  مضامین دویا تین  افراد کی  مشترکہ کوشش  سے  تحریر پائے ہیں ۔